daajis.com:-Ilo xog-Ogaal ka tirsan Dowlada Federaalka Somalia ayaa Shabakada Daajis u xaqiijiyay in Marwadii uu ka geeriyooday Cumar Shafiiq Xamaami
oo ku magac dheera Abuu Mansuur Al-Amriiki uu iibsaday Taliyaha Hogaanka
Socdaalka iyo jinsiyadaha Dowlada Federaalka Jeneral Cabdulaahi Gaafow
Maxamuud.
Illo wareedka ayaa sheegaya in Xaaska uu ka geeriyooday Al-Amriiki uu
xiray Gaafow xilli ay waday Laba Carruur ah oo ay Amriiki u dhashay,
islamarkaana ku howlaneyd sameynta Baasaboorkeeda. Waxaa lagu warramay
inuu u gudbiyay Xarunta dambi barista DFS.
Illo wareedka ayaa xaqiijinaayo in Haweeneydaasi oo baxsad ka aheyd
Axmed Godane Seddex Asbuuc markii ay Gaafow u xirneyd kadib lagu sii
daayay lacag 40,000$ dollar, iyadoona lacagtaasi ay ku dhacday sanduuqa
Gaafow, xalaalna u noqotay Taliyaha Hogaanka Socdaalka.
Siideynta Haweeneydaasi kadib, ayaa waxaa la Tilmaamayaa in Gaafow uu
ku daray wiil isaga la shaqeeyo si uu ugu dhameeyo Howlaheeda waxaana
si degdeg ah loogu hagaajiyay sharciyeenta Baasaboorkeeda halkaasina
laga dhoofiyay.
Cumar Shafiiq Xamaami oo ku magac dheera Abuu Mansuur Al-Amriiki ayaa
waxa uu Haweeneydaani ka dhalatay guursaday Sanadkii 2003, waxa ayna
wadataa Baasaboor Canadian ah.
Haweeneydaani oo halis ku ah Caalamka ayaa waxaa laga sii daayay
Xabsiga Dambi-baarista, iyadoo aan la eegin halista ay ku tahay Ammaanka
Dowladaha xiriirka la leh Somalia.
Haweeneydani ayaa waxa ay xilligaani usii baxsatay Dalalka Yurubta si
ay iyada iyo Carruurteeda oo Labo ah uga bad-baadan Hanjabaado uu u
jeediyay Hoggaamiyaha Maleeshiyada Alshabaab Axmed Godane oo isagu
aaminsan in Mustaqbalka dambe dhibaateyn karaan Carruurta Al-amriiki ay
Haweeneydaasi u dhashay, maadama uu dilay aabihii dhalay.
Dhanka kale, deysmada Haweeneydaani ayaa waxa ay ka turjumeysaa
kaalinta DFS ay ku leedahay bar-baarinta Awoodaha Maleeshiyada
Alshabaab, iyadoona dayacday kaalinta kaga aadaneyd ciribtirka
Alshabaab, inkastoo xubno ka tirsan dowladda lagu tilmaamo inay xiriir
wanaagsan la lee yihiin Maleeshiyada Alshabaab.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 22:57 and have
, Published at