Inta la ogyahay saddex qof oo laba booliis ah ayaa ku dhintay iyo qofkii weerarka fuliyay, waxaana ku dhaawacmay laba qof kale.

Qaraxan oo loo adeegaday gaari walxaha qarxa laga soo buuxiyay ayaa wuxuu ku dhacay albaabka hore ee hoteelka, weerarkaasi oo ahaa mid fashilmay, ayaan jirin khasaare soo gaaray wafdiga Turkiga oo xiligaasi ka shirayay soo dhoweynta beri loo sameynayo Madaxweynaha Turkiga.

balse ay badbaadeen wafdigii ka socday Turkiga oo hoteelkaas ku lahaa shir xilliga uu qaraxu dhacayay.

Hadaba waxaan halkan idinkugu soo gudbin doonaa Sawiro hordhac ah oo aan ka helnay Qaraxa ka dhacay afaafka hore ee Hotel SYL.

Hotelka la weeraray ayaa waxaa 10-kii bishan ka dhacay shirkii wasiirada arrimaha dibada IGAD, iyadoo labadii maalmood ee u dambeeyay la dejinayay Saraakiil Turkish ah oo u gogol xaarayay imaanshaha Madaxweynaha Turkiga.

Qaraxan ismiidaaminta ayaa ku soo beegmay, xilli ammaanka magaalada Muqdisho si aad ah loo adkeeyay, iyadoo magaalada uu ka jiro diyaar garow ku aadan soo dhoweynta wafdiga Madaxweynaha Turkiga ee berri imaanaya, waxaana wadooyinka la suray Calamada Turkiga iyo Soomaaliya.