Fatahaada wabiga Shabelle ayaa waxaa sababatay haatan in gebi ahaanba uu hakad ku yimid isu socodka gaadiidka iyo dadka ee magaalada Jowhar iyo deegaanada dhinaca waqooyi ka xiga. 

Biyaha ka fatahay wabiga ayaa waxa ay sababeen inay xaaqaan dhul beereed ay ku yaaleen dalagyo kala gedisan sida galley,sisin,qudaar iyo dalagyo kalaba. Fatahaadan ayaa waxaa ay baabi'iyeen dhul beereed isugu jira qaar dhowaan laga soo goostay mirihii ku yiil iyo beero kale oo loo diyaargareeyay tacabka xilliga deyrta.

Waxaa laga baqayaa fatahaadan inay gaarto deegaano hor leh sida Xaashooley, dhaaygawaan, Baraki, Dhumaley iyo deegaano kale. 

Wabiga Shabelle ayaa waxa uu ka fatahayaa deegaanada Baarey iyo Bayaxow oo dhinaca Waqooyi iyo dhinaca Koofur ka xiga magaalada Jowhar. 

Wadada laamiga ah ee isku xirta magaaloyinka Jowhar iyo Muqdisho ayaa muddo labo bilood ah waxa hakad geliyay fatahaad ka baxday deegaanka Maandheere waxaana biyahaas sababaeen in ay gaadiidka isticmaalaan wadadooyin kale sida wadada isku xirta magaalada Muqdisho iyo gobolada koofureed ee dalka.