Soomaalidan kusoo wajahan saacadaha soo aadan garoonka Diyaaradaha Aadan Cadde ee Magaalada Muqdisho ayaa laga soo tarxiilay dalka Kenya kuwaa oo mudooyinkan ku xirnaa xabsiyo kuyaala Magaalada Naiarobi .

Dadka lasoo tarxiilay ee la filayo in Magaalada Muqdisho kasoo dagaan ayaa u badan Soomaalidii maalmahan laga raafayay Xaafada Islii ee Magaalada Nairobi , waxaana la tilmaamay in dadkan lasoo tarxiilay ay isugu jira Haween , Caruur , Dhalinyaro iyo dad da’ ah.

Diblamaasi kusugan Magaalada Nairobi ayaa sheegay in Soomaalidan lasoo tarxiilay saakay laga soo duulIiyay Garoonka Diyaaradaha Jomo Kinyata , waxa uuna tilmaamay in dadkan ay ahaayeen kuwa aan Sharci heesan oo kunoolaa Dalka Kenya.

Xabsiyada Magaalada Nairobi iyo Garoonka Kubada Cagta ee Kasraaani waxaa ku jira Kumanaan Soomaali ah , kuwaa oo la filayo qaarkood in qaab tarxiil ah lagu keeno Muqdisho, halka kuwa kalana dib loogu celin doono xeryaha qaxootiga.