Prof Abdi Ismail Samatar oo ka hadlay Saamiga Itoobiya laga siiyey Dekadda Berbara iyo wadada Dowladda Somalia u furan

Prof Abdi Ismail Samatar oo ka hadlay Saamiga Itoobiya laga siiyey Dekadda Berbara iyo wadada Dowladda Somalia u furan

daajis.com:- Prof Abdi Ismail Samatar oo ah aqoonyahan Soomaaliyeed ayaa ka hadlay heshiiskii dhex maray Maamulka Somaliland iyo Dalka Imaaraadka Carabta kaasoo ku saabsanaa sida loo qeybsanayo daqliga Dekadda Berbera.

Heshiiskaas ayaa waxaa 19% laga siiyey dowladda itoobiya, wuxuuna Prof-ka Su’aal geliyey sababta keeni karto in Itoobiya saami intaas la eg laga siiyo Dekadda Berbera.

Sidoo kale Prof-ka ayaa ka hadlay wadada iyo xalka ugu fudud oo ay dowladda Soomaaliya arrintaan ku wajihi karto.

Haddaba halkaan hoose ka akhriso hadalka kasoo baxay Prof.  Cabdi ismaaciil Samatar

Ugu horeeynti walaalayaal waan idin salaamayaa,  tan xigta waxaan rabaa bal inaan hal iyo labo ka idhaahdo arinka berbera.

Waxaa layaab igu noqotay in dowlada Ethiopia 19/100 ku yeelato dakhliga kasoo xaroonaya dekada berbera,  waar shicbiga hargeeysow bal weeydiiya mexeey beey ku muteeysatay Ethiopia saamiga intaa la eg,  weligeed lama maqal lamana arag in dowladi dowlad kale kula share garoowdo ileheeda dhaqaalaha iyadoonan maalgashi ku sameeysan,  bal iminka weeydiiya Ethiopia ma Dubai ayeey ku darsatay lacag maalgashi,  inkastoo wasiirul khaarijiyaha Hargeeysa leeyahay waxbeey ku darsatay hadana ma ahan jawaab ina qancisa.

Emaaraatku wuxuu faragelin ba’an ku hayaa madaxbanaanida jamhuuriyada somaliya,  hase ahaatee waxaa iiga daran qolooyinkan xamar jooga ee fulin iyo baarlamaanba leh ee aanaanba garaneeyn halkeey ku socdaan, bal Hassan Ali kheeyre maxaa geeyay emaaraatka ayadoo halkaas heshiiska kan lagu saxiixayay?  Wexeey eheeyd in dowlada somaliya sii ogaataa waxa halkaas ka dhacayo intaanaan raisulwasaaruhu tegin halkaas,  runti arinkaas wuxuu weji gabax ku yahay xildhibaanada iyo xukuumada soomaaliya ee ayagu is heeysta.

Hadda maxaa inala gudboon?
Doowlada somaliya waa ineey wafdi ashtako ah u dirtaa xarunta midawga afrika iyo kan qaramada midoobay,  codsataana inaanan lagu xad gudbin madaxbanaanida jamhuuriyada federaalka soomaaliya.

Sidoo kale waa ineey u yeedhaa safiirada Mogadishu ka fadhiya emaaraatka iyo Ethiopia codsataana bal ineey arinkaa isaga ah faahfaahin ka bixiyaan.

Mahadsanidiin.

Prof Abdi Ismail Samatar

FADLAN LIKE SII BOGGA DAAJIS.COM EE FACEBOOK.

_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com



Facebook Blogger Plugin by deercali.blogspot.com | Get Widget





share this article to: Facebook Twitter Google+ Linkedin Technorati Digg
Posted by Bulsha Arrimaha Bulshada, Published at 17:25 and have

U Kaalmey Walaalaha Soomaaliyeed

Guriga Arimaha Bulshada