Xili
ay Dowlada Federaalka Somalia ay shaaca ka qaaday in ay ciribtireyso
lana dagaalameyso Musuq maasuqa dilooday Soomaaliya ayaa hadana waxaa
soo baxaya in musuq kii ugu Weynaa uu hada ka dhax jiro Xarunta
Madaxtooyada ee Villa Somalia ayna sameenayaan Masuuliyiin Dowlada
katirsan.
Musuqa ugu daran ayaa
lagu eedeenayaa in uu Xarunta Madaxtooyada ee Villa Somalia uu ka wado
Ninka ku Magacaaban Chief Pratacolka Madaxtooyada Ibraahim Sheekh
Muxudiin oo la sheegay in la kulanka iyo aragtida Madaxweynaha uu ka
dhigay mid Beeso lagu gadanayo.
Xildhibaano iyo
Siyaasiyiin siyaabo kale duwan ula Hadlay Bogan ayaa sheegay in Ibraahim
uu adkeeyay in Madaxweynaha lala kulmo isagoona kala qaaday dadka
Madaxweynaha la kulmaya xoogana saara cidii lacag siisa ama cida ay isku
beel yihiin uuna u fududeeyo sidii uu Madaxweynaha ula kulmi lahaayeen.
Mid kamid ah
Xildhibaanada Baarlamaanka Somalia ayaa noo sheegay in ay ku adkaatay in
uu la kulmo Madaxweynaha mudana la meer meerinayay markii dambana loo
sheegay hadii uu Doonayo in uu Madaxweynaha la kulmo in uu jid mar ama
lacag uu iska dhiibo taasina ay kunoqotay arin uu ka naxo uuna ka fileyn
in Madaxtooyadii Qaranka Soomaaliyeed uu kula kulmayo arimo Nuucaasi
ah.
Chief Pratacolka
Madaxtooyada Muxudiin ayaana la sheegay in uu yahay Mashiinka
dhaqaajinaya Musuq Maasuqa kasocda Madaxtooyada iyadoona Siyaasiyiinta
iyo Xildhibaanada katirasan Baarlamaanka Somalia ku baaqay in wax laga
qabto arintan hadii kale ay fashil ku dhamaan doonto Siyaasada Dowlada
maadaama dadka la kala saarayo hadana lacag laga dhigay la kulanka
Madaxweynaha Jamhuuriyada Federaalka Somalia.
Dowlada uu Hogaamiyo
Madaxweyne Xasan Sheekh ayaa ah Dowlada ay awooda badan leeyihiin Xubno
aqoon yahano ah inta badana aan looga baran Musuqa iyo kala sareynta
dadka balse ay kujiraan Xubno yar oo wasaqeenaya Magaca Dowlada ayna
muhiim tahay in Dowlada ay ka hortagto dadka sidaa u shaqeeya .
_______________________________________________________________
Xafiiska Shabakada warcadnet
Usa-Alaska
ceelka@gmail.com
www.warcadnet.blogspot.com
Facebook Blogger Plugin by deercali.blogspot.com | Get Widget
Posted by , Published at 23:43 and have
