Diyaarad Helikobter ah oo tartan xaga orodka kula jirtey baabuur ayaa
waxaa la sheegay inay bur burtey gebi ahaanteed xilli si LIVE ah looga
duubaayey barnaamij telefishin iyadoona ay arintaas ku reebtay dadkii
goobtaas ku sugnaa yaab iyo kala carar.
Barnaamijaan Telefishinka ee lagu magacaabo Top Gear qeybtiisa dalka
Korea ayaa waxaa la sheegay inay diyaaradaas Hellikoptarka ah oo ahayd
nooca loo yaqaano Cobraha ayaa waxay tar tan kula jiretay baabuurka
guuxiisa ka dheereeya ee ay adagtahay sida lagu gaaro ee loo yaqaano
Corvette ZR1, iyadoona markii uu tartankaas xoogaa socday ay mar qura
kuwada naxeen dadkii barnaamijkaas duubaayey Helikoptertii oo mar qura
dhulka gashay islamarkaana kicisay boor iyo bus badan iyadoona ay dadkii
ku sugnaa goobtaas iyo shaqaalihii telefishinkaba ay goobtaas kala
carareen cabsi awgeed, Wadihii baabuurka la tartamaayey Helikoptertaas
ninka lagu magacaabo Kim Jin Pyo ayaa cabsi iyo argagax awgiis waxaa
kala tagey afkii asagoona ay yaab ku noqotey waxa dhacay.
Ugu dambeyntiina iyadoo barnaamijkaas Top Gear oo ku caan baxay
tartamada baabuurta ee xad dhaafka ah oo asal ahaan ka soo jeedo dalkaas
Ingiriiska lagana daawado telefishinka BBC islamarkaana ay wadamo badan
ka qaateen oo ay kaga daydeen barnaamijkaas ayaa waxaa uu yahay
barnaamij wato qatartiisa iyadoona ay dhowr jeer ka dhasheen dhaawacyo
halis ah meelo kala duwan oo ka mid ah aduunka, Laakiin Helikoptertaan
bur burta oo u muuqatey mid lagu baaba'ay ayaa waxaa la sheegay inaysan
ka dhalan wax dhimasho iyo dhaawac culus toona iyadoona sidoo kale ay ka
badbaadeen dadkii ku sugnaa goobtaas ee daawanaayey tartankaas.
Daawo Muuqaal ahaan Sida ay u Bur Burtay Diyaraadda
_____________________________
Xafiiska Shabakada warcadnet
Usa-Alaska
ceelka@gmail.com
www.warcadnet.blogspot.com
Facebook Blogger Plugin by deercali.blogspot.com | Get Widget
Posted by , Published at 21:33 and have
