Kulan maanta ka dhacay Xarunta Madaxtooyada Soomaaliya ayaa waxaa isugu yimid Gudoomiyaha Baarlamaanka Soomaaliya Prof Maxamed Sheekh Cusmaan Jawaari labadiisa gudoomiye kuxigeen iyo Gudiyada Joogtada ee Baarlamaanka.

Kulankan ay maanta Yeesheen Gudoonka Baarlamaanka Soomaaliya iyo 15-ka Gudiyada Joogtada ee Baarlamaanka ayaa isla gartay in maalinta berito oo axad ah in Xubnaha Baarlamaanka loo gudbiyo qoraalka mooshinka ka dhanka ah Ra'iisul Wasaaraha si ay u aqristaan ugana doodaan Maalinta Isniinta ah.

Gudoomiyaha Baarlamaanka Prof Jawaari ayaa u jeediyay Gudiyada Baarlamaanka in ay dhax dhaxaad ka ahaadaan Khilaafka u dhaxeeya Madaxweynaha iyo R/Wasaaraha ayna Xildhibaamada iska ilaaliyaan in ay Fowdo ka dhacdo Fadhiga Baarlamaanka.

Gudoonka Baarkamaanka iyo Gudiyada Joogtada ee Baarlamaanka ee maanta kulanka Xasaasiga ah yeeshay ayaa isla gartay in la dadajiyo ka doodista iyo cod u qaadista Mooshinka ka dhanka ah R/Wasaaraha Xukuumada Soomaaliya iyo xal kama dambeys ah looga gaaro Khilaafka u dhaxeeyo Madaxweynaha iyo R/Wasaaraha.