daajis.com:-Ergayga gaarka ee Midowga Afrika u qaabilsan arrimaha Somalia, Danjire Maxamed Saalax Anaadiif ayaa hambalyo u diray madaxweynaha cusub ee Puntland, C/weli Maxamed Cali Gaas oo ku guuleystay doorashadii ka dhacday Puntland.
sidoo kalena wuxuu hambalyo taas la mid ah u diray madaxweyne ku xigeenka la doortay, C/xakiin C/llaahi X. Cumar (Camey).
“Doorashadu waxay u dhacday si xor ah, cadaalad ah isla markaana cad. Waxaan madaxweynaha cusub ee la doortay ugu baaqayaa inuu howsha ka sii wado halkeedii uu horumar u horseedo shacabka Puntland,” ayuu ku yiri qoraal uu danjire Anaadiif soo saaray caawa.
Wakiilku wuxuu sheegay in doorashadan ay caddeyn u tahay in Somali ay ku socoto dhabbihii dimuqraadiyadda, isagoo xusay in doorashadan ay tahay mid mudan in wax laga barto, wuxuuna sheegay in doorshadu ay tahay mid Puntland u horseedaysa horumar iyo barwaaqo.
Sidoo kale, dajiruhu wuxuu sheegay in AMISOM ay ka go’an tahay in gacan ay ka siiso hoggaanka cusub ee Puntland sidii ay u gudan lahaayeen xilka loo doortay, isagoo madaxda cusub ka dalbaday inay qayb ka qaataan sidii lagu hirgelin lahaa nidaamka federaalka Soomaaliya.
Ergaygu wuxuu sheegay u mahadceliyay madaxweynihii hore ee Puntland, C/raxmaan Maxamed Faroole oo uu sheegay inuu howlo badan qabtay intii uu xilka hayay
_____________________Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 16:02 and have
