daajis.com:-Iftiin Xasan Baasto oo ka mid ah ragga mucaaradka ku ah Axmed
Madoobe, dhawaanna tagay Kismaayo ayaa goordhow sheegay in la qabtay
dadkii dilay Nabaddoon caan ka ahaa magaaladaas oo caawa maqribkii la
dilay.
Isagoo u warramayay Idaacad Maxali ah oo lagu magacaabo Goobjoog,
ayuu sheegay in labadii nin ee dilay nabaddoon Maxamed Xuseen Xaafow
gacanta lagu soo dhigay oo ay hadda ku xiran yihiin saldhigga magaalada.
Waxaa la weydiiyay sidda ay ku xaqiijin karaan labada nin ee la
qabtay in ay ahaayeen raggii dilay nabaddoonka, wuxuu sheegay in dadkii
joogay goobta lagu dilay ay sheegen labada nin oo ku dhuumanayay gurri
ku yaalla magaalada Kismaayo, isla markaana ay soo qabteen ciidamada
ammaanka.
Mar la weydiiyay aqoonta uu lahaa nabaddoonka wuxuu tilmaamay in uu
nabbaddoonkiisa oo ay isku cid ahaayeen, isagoona intaas ku daray in uu
kamid ahaa dadkii soo xajiyay xajkii ugu dambeeyay.
Waxa la weydiiyay oo kale sidda uu arko dilka naddoonka, wuxuu xusay
in nabaddoonka ay dileen Al-Shabaab maadama ay dhowr jeer u hanjabeen
sidida uu yiri.
Ugu dambeyn Iftiin Xasan Baasto ayaa la weydiiyay wax yaabaha uu u
joogo Kismaayo, wuxuu caddeeyay in magaalada ay u joogaan siddii loo
heshiisiin lahaa beelaha degga gobalada Jubbooyinka loona ballaarin
lahaa maamulka KMG ah ee Jubba.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 11:19 and have
