daajis.com:-Booqashada madaxweynaha ayaa imaaneysa xilli maalmihii ugu dambeeyay ay Baydhabo ka taagnaayeen isqabqabsi xagga maamulka ah.
Madaxweynaha dowlada federaalka Soomaaliya iyo wafdi uu hogaaminaayo ayaa goor dhow gaaray magaalada Baydhabo ee xarunta u ah gobolka Baay.
Ujeedka Safarka madaxweyne Xasan Sheeekh ee Baydhabo ayaa lagu sheegay xal u helidda is qab-qabsiga ka ka dhex taagan labada maamul ee magaalada looga dhawaaqay.
Waxaa la filiyaa in Madaxweynaha uu kulan la qaato waxgaradka gobolka Baay iyo wufuuda soo kala dhistay labada maamul.
Waxaa magaalada looga dhawaaqay maamul ka kooban lix gobal oo ay hoggaaminayo Madoobe Nuunow Maxamed iyo maamul ka kooban sadex gobol oo uu hogaaminayo Maxamed Xaji Cabdinuur.
Waxaa aad loo adkeeyay ammaanka garoonka iyo guud ahaan magaalada Baydhabo, waxaana wadooyinka lasoo dhoobay ciidamada dowladda iyo kuwa AMISOM oo lagu arkayo iyagoo si weyn u feejigan gudaha magaalada Baydhabo iyo hareeraha Garoonka diyaaradaha Baydhabo.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 22:31 and have
