daajis.com:-Kooxda Manchester City ayaa ka
faa’iideystay guuldarradii galabta ku dhacday Liverpool waxaana ay 2-0
uga adkaateen kooxda Crystal Palace ciyaarta ka tirsan Premier League oo
ay booqdeen Palace.
Man City ayaa goolka hore uga naxsatay
Crystal Palace ciyaarta oo socota afar daqiiqo oo qura waxaana shabaqa
tagay geesigeeda Edin Dzeko kaddib caawin uu ka helay Yaya Toure.
Inta aan la’aadin qeybta nasashada
daqiiqadii 43-aad ayey mar kale goolka labaad la timid City, waxaana u
saxiixay caawiyaha goolka hore ee Yaya Toure, kubbad uu isagu ku lug
lahaa oo uu u soo dhigay Samir Nasri, sidaas ayaana lagu kala nastay
City oo ciyaarta ku hoggaaminaysa 2-0.
Markii dib la isugu soo laabtay qeybtii
dambe ayeysan wax badan ciyaarta iska bedelin, waxaana kulankii ka
dhacay Selhurst Park uu ku soo dhammaatay 2-0 oo ay guusha ku qaateen
wiilasha Manuel Pellegrini.
Manchester City ayaa haatan fadhisa
kaalinta saddexaad ee kala sarreynta Premier League, iyadoo hal dhibic
ka dambaysa kooxda Chelsea oo ku jirta kaalinta labaad, waxaana ay City
leedahay 77-dhibcood.
Daawo Sawirrada:-
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 00:47 and have
, Published at