daajis.com:-Maxkamad ku taal Masar ayaa maanta dil toogasho ku xukuntay ilaa 683 xubnood oo uu ku jiro Hogaamiyihii Ururka Ikhwaanul Muslimiinka Maxamed Badiic, kaasoo sanadkii hore lagu qabtay magaalada Qaahira, kadib banaan bax rabshado watay oo dad badan ku dhinteen.
Eedeysanayaashan ayaa loo heysta weerar ka dhacay saldhig boolis ku yaala Minta sanadkii 2013, halkaasoo lagu dilay askar.
Xukunkan ay riday Maxkamada ayaa waxaa cambaareeyay hey'adaha u dooda xuquuqda aadanaha, iyadoo la dhaliilay qaabka ay u dhacday dhageysiga dacwada iyo in tiro boqolaal ruux mar kaliya xukun dil lagu xukumo.
Qareenadii difaacayay eedaysanayaasha ayaa loo diiday in ay maxkamadda soo galaan, sidoo kalena looma akhrin eedaha loo haystay.
Balse mas'uuliyiinta dowladda Masar ayaa ururka ku eedeynayo rabshadaha dalka ka dilaacay tan iyo markii militeriga uu talada ka wareejiyay Mursi.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 23:57 and have
, Published at