daajis.com:-Roobabka xiliga Guga ayaa xalay oo dhan ka da’ayay magaalada Muqdisho
ee Caasimada Soomaaliya, Roobabka ayaa sababay khasaaro Nafeed iyo mid
hantiyadeed.
Laba carruur ah ayaa geeriyootay kaddib markii uu ku dumay darbiga
guriga ay degganaayeen oo ku yaalla degmada Dharkeynleey ee gobolka
Banaadir.
Axmed Ibraahin Nuur oo ah wiil la dhashay carruurta geeriyootay oo
gabdho ahaa ayaa Radio Muqdisho u sheegay in roobkii xalay ka da’ay
magaalada Muqdisho uu sababay in uu soo dumo derbi ku dhawaa guriga ay
degganaayeen oo ka sameysnaa Jiingad waxaana ku dhaawacantay hooyada
dhashay carruurta dhimatay.
Roobka oo xoog lahaa ayaa sababay daadad ku rogmaday xaafadaha qaar
ee magaalada Muqdisho. Dadka barakacayaasha ah ayaa sidoo kale la
kulmaya xaalad adag maadaama aysan heysan guryo si wanaagsan uga celin
kara daadaadka iyo waliba dhibicda roobka.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 17:49 and have
, Published at