daajis.com:-War qoraal ah oo kasoo baxay Xafiiska Wasiirka Wasaaradda amniga
Qaranka Khaliif Erag ayaa waxaa lagu sheegay in Ammaanka Magaalada
Muqdisho lagu hagi doono nidaam cusub.
Qaraalka ayaa waxaa lagu sheegay in looga gol leeyahay sidii looga
hortagi lahaa falalka ay Alqaacidada Somalia ee Alshabaab ka geystaan
magaalada Muqdisho, islamarkaana ku naafeynayaan Bulshada Soomaaliyeed.
Haddaba qoraalka ayaa waxaa lagu soo koobay Afar qodob oo laga soo
saaray Xafiiska Wasiirka oo uu ku saxiixnaa Wasiirka Amniga Khaliif Erag
waxaana kamid ah qodobadaasi:-
1-In Toban gawaarida dagaalka ah oo ay leeyihiin Ciidamada Amniga
qaranka laga howlgeliyo Magaalada Muqdisho iyagoo kormeer ku sameynaya
wadooyinka Magaalada joojiyaana gawaarida hubeysan ee maraya wadooyinka
Magaalada Muqdisho si loo hubiyo cida wadata.
2-In gawaarida Mas’uuliyiinta heer Qaran ama heer gobol eysan qaadi
karin xiliyada ay wadooyinka marayaan ciidamo hubeysan oo aan aheyn
ilaaladooda si aanay u baxsan dhagar_qabayaasha dambiyada gala ama hadey
dhacdo koox gaar ah oo laga yaabo inay dhibaato geysteen.
3-In dhamaan gawaarida ciidamada qalabka sida loo diyaariyo warqado ruqsad ah oo ay ku sameyn karaan dhaq dhaqaaq ciidan.
4-Wasaaardda amniga qaranku waxa ay si deg deg ah u soo dhameystiri
doontaa xeer xakameynaya hubka lagu dhex sito maagalooyinka iyo kuwa ay
wataan ilaalada gaarka ah sida shirkadaha gaarka loo leeyahay.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 21:09 and have
