daajis.com:-Madaxweyne Xasan Sheekh Maxamuud oo haatan ka qeybgalayo Shir
Madaxeedka Hoggaamiyayaasha Afrikaanka iyo Maraykanka ee ka socda
magaalladda Washingto DC ayaa Yididiilo ka bixiyey rajadda laga qabo
inay Dowladda Somalia mar kale dhamasytirto Heshiiska Shirkadaha
Caalamiga, si ay dalka Somalia uga baaraan shidaalka iyo gaaska
dabiiciga.
Sida maanta lagu soo daabacay Wargeysyadda caanka ah ee Bloomberg
News iyo Diplomat waxa uu Madaxweynuhu tilmaamay inay Shirkadaha
Shidaalka sannadkan gudihiisa ka hawl bilaabi doonaan Somalia, wuxuuna
hoosta ka xariiqay inay Ciiddanka Ammaanka guulo ka soo gaareen
dagaalladda ay kula jiraan Xarakadda Alshabaab.
“Juqraafi ahaan, Kontoroolka Alshabaab xilligan waa mid sii liicayo,
waxaana suurtogal ah inay Ciiddamadda Dowladda hawlgallo ka bilaabaan
Deegaannadda ay Alshabaab ka taliyaan dabayaaqadda sannadkan” ayuu yiri
Hasasn Sheikh.
Dhinaca kale, Madaxweynuhu waxa uu tilmaamay inay Dowladda Federalka
wada-xaajood la leeyihiin Shirkadaha Shidaalka ay ku jiraan Royal Dutch
Shell oo laga leeyahay dalka Holland iyo Exxon Mobil Corp oo laga
leeyahay Maraykanka si ay dib uga hawlgalaan Somalia.
Wuxuuna intaasi ku daray inay rajeynayaan inay Shirkadahaasi sida ugu dhaqsaha badan u hawlgeli doonaan Si kastaba ha ahaatee, Shirkadaha Calaamiga ee Shidaalka ayaan weli
ka hadlin qorshahooda ku aadan inay dib ugu hawlgalaan gudaha dalka
Somalia, oo ay horey uga sahmiyeen Shidaalka iyo Gaaska Dabiiciga dhex
ceegaaga Somalia.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 16:44 and have
