daajis.com:- Xildhibaan Daahir Amiin Jeesow & Xildhibaan Cabdi barre Jabriil oo ka tirsan BF Soomaaliya ayaa gacmaha isula tegay maanta, xilli ay socotay dood ay Xildhibaanadu aaraa’dooda ka dhiibanayeen oo ku saabsan xeerka isgaarsiinta & miisaaniyada.
Labada Xildhibaan ayaa isku maan dhaafay arrimo siyaasadeed oo ku saabsan sharciyada doorashada Madaxweynaha Jubba oo ay doorteen baarlamaan la kala diray, iyada oo Xildhibaan Daahir Jeesow doodiisu aheyd: Go’aan dambe oo baarlamaanka Soomaaliya laga dhageysan doono ma leh haddii baarlamaan goboleedka Jubba isaga oo kheyru sharci ah inta uu wax doorto, baarlamaankuna uusan tillaabo ka qaadin” arrintaasoo dood iyo muran dheer kadib sababtey in ay si shaqsi ah isku aflagaadeeyaan, kadibna gacanta isku qaadaan, walow durbadiiba la kala qabtey.
Xildhibaan Cabdi barre ayaa ka mid ah xubnaha sida weyn ugu ololeynayey doorashada Madaxweynaha Jubba, isaga oo ka mid ahaa xubnihii Kismaayo u tegay in ay goob joog ka noqdaan doorashada, haatanna waxa uu ka mid yahay Xildhibaanada u ololeynaya mooshinka ka dhanka ah Madaxweyne Xasan Sheekh.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 17:30 and have
