daajis.com:- Sida ay noo sheegeen Dad Goobjoogeyaal ah oo ku sugan Galbeedka Magaalada Baledweyne ayaa Tuulo lagu Magacaabo Qarincadd waxaa laga Afduubtay ugu yaraan 9 Oday Dhaqameed oo ka mid ahaa Dadka Tuuladasi iyo hareeraheeda ku nool.
Afduubka Odayaasha ayaa waxaa geeystay Xarakada Al-shabab Dagaalameyaal ka tirsan.
Mid ka mid ah Odayaashii ka badbaaday Afduubka ayaa sheegay in Al-shabaab ay u yimaadeen Odayaasha oo Kulan Duco ah ku lahaa Degaan islamarkaana ilaa 9 Oday laga kaxaystay.
Odayga nala hadlay ayaa intaa ku daray inuu Naftiisa la baxsaday,waxaana Waxgaradka la watay ay u badan yihiin Odayaal da’ah.
Wararka ayaa intaa ku daraya in Odayaasha lala aaday dhanka Degmada Buula-barde ee Gobolka Hiiraan oo hadda Caasimad looga dhigay Maamulka loo sameynayo Hiiraan iyo Shabellaha Dhexe.
Wali lama Oga Sababta Al-shabaab ay Odayaasha u Afduubteen,balse ma Cusba in Xarakada Al-shabaab ay Dad rayid ah qafaashaan.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 18:00 and have
, Published at