Maxkamadda ciidamada qalabka sida ee Puntland ayaa maanta xukuntay dil toogasho ah saddex dhalinyaro ah oo lagu soo eedeeyey in ay ka tirsanaayeen ururka Al-shabaab.
Dhalinyaradan la xukumay ayaa da’adoodu aysan gaareyn labaatan sano waxaana ku dhowaaqay xukunka maxkamada Guddoomiyaha maxkamadda Cabdifataax Xaaji Aadan isagoo u cuskaday xukunkana qiraal uu sheegay in ay sameeyeen dhalinyarada iyo warbixinta xeer ilaaliyaha.
Saddexdan ruux ee maxkamadu xukuntay ayaa waxa ay kala yihiin Aadan Maxamed Nuur oo 19-jir ah, Cabdirisaaq Axmed Sheekh oo 18-jir ah iyo Cali Maxamuud Cilmi da’adiisa lagu sheegay 19 jir.
Maxkamada ciidamada qalabka sida ee Puntland ayaa waxa ay muddo toddobaad gudihiis ah ku xukuntay xukuno dil toogasho ah illaa 17 ruux oo mid ka mid ah tahay haween.
Hase ahaatee illaa iyo hadda lama shaacin xilliga dadkan la xukumay lagu fulinayo xukunadooda.
_____________________________
Xafiiska Shabakada warcadnet
Usa-Alaska
ceelka@gmail.com
www.warcadnet.blogspot.com
Facebook Blogger Plugin by deercali.blogspot.com | Get Widget
Posted by 01:24 and have
, Published at