Haddaba aniga waxaan ahaa ruux uu daahshadey jaceylkaas waxaana i beerqaadey inan aanu maalin ku kulaney xaafad saaxiibkey leeyahey, aniga iyo saaxiibkeygana marar badan ayaan ka shuureyney sidaan weerar ugu qaadi laheyney gabartaas!

Saaxiibkeyga waxaa uu tala igu siiyey inaan gabadha si toos ah ugu sheegto, gabadhu waxaan badanaa ku arkaa dukaan ku ag yaalla guriga saaxiibkayaga dukaankaas oo uu leeyahey saaxiibkeyga abitigiisa badanaana habeenkii ani iyo asaga _waa saaxiibkeygee_ayaa joogno.

gabadhu badanaa waanu kaftannaa laakiin arimaha qalbigeyga ka guuxa awood uma lihi inaan ugu bandhigto xatta ma dareensiin karo siduu iiga awood batey jaceylkaa, habeen ayaan ku iri “Miski waxaan rabaa in aan kula shiro” waxey aheyd erey bilow ahaa oraahdiisana adkeyd waxeyna iigi jawaabtey “ok laakiin hadda alaabtan ayaan guriga geynayaa then waan kuu soo laabanaa” waxaan dareemey geesinimo yar markii ay baxdeyna aniga saaxiibkeyga waxaanu ku balanay in aan caawa fursadaan ka faa’ideysto.

Markii ay soo laabatey ayey inya iridka soo istaagtey iigi baaqdey in ay diyaar soo noqotey anna durba waxaan ka kacey fadhigii waxaana gabadhii u raacey koonaha dukaankii markaan meel yara istaagney oo iridka dukaan iyo iridka gurigaba yara baxsan ayaan waxaan bilaabey in aan soo faago waxa qalbigayga ku jirey “horta Miskiyey wxaa la yiri waxaad qarsataba wey ku qarsadaan anna waxaa jirta wax aan in badan qarsanaayey laakiin qalbiga ii diidey in aan sii qarsado waayo waxaa ay igu noqdeen boholyoow iyo lur! adduunkaan waxaa jira jaceyl kaas oo aan kula tashaneynin kuna soo weerara aniga weerarka dhankaaga ayuu iga soo gaarey” intaas ayaan si geesinimo usoo tufey tiiyoo uu dhidid hoosaas iga qubanayo!