Dowlada Iran ayaa beenisay eedeymo horay loogu soo jeediyay oo ahaa
in hub ay ku taageerto Ururka Alshabaab ee dagaalka kula jira ciidamada
dowlada iyo kuwa AMISOM,sida ay daabacday maanta wakaalada wararka ee
Reuters.
Warbixin dhawaan ay daabacday Reuters ayaa lagu sheegay gudiga
dabagalka cunuqabateynta hubka saaran Soomaaliya ay sheegeen in dowlada
Iran ay hubeyso Alshabaab iyo dagaalyahano ku sugan Yemen.
“Eedeynta ah taageerada Iran ee Alshabaabka Soomaaliya waa mid aan
macquul aheyn oo been abuur ah,loomana hayo wax saxiix ah,gabi ahaanba
waa mid ay kasoo horjeedo dowlada Jamhuuriyada islaamiga ee Iran”sidaasi
waxaa yiri safiirka Qaramada Midoobay ee Iran Maxamed Khazaee.
Safiirka ayaa golaha ammaanka u gudbiyay war qoraal ah oo uu kaga soo
horjeedo eedeyn dhawaan kaga timid gudiga baaritaanada ee Qaramada
Midoobay.
Wakaalada wararka Reuters oo soo xiganaysay diblumaasiyiin sarsare oo
ka tirsan Golaha ammaanka ayaa maalintii Isniinta waxay daabacday in
dagaalyahano ku sugan dhulka Yemen ay taageero ka helaan Iran,kadibna ay
ku taageeraan Ururka Alshabaab ee Soomaaliya.
Safiirka Iran ee Qaramada Midoobay ayaa sheegay in dhamaan eedeymaha
loosoo jeedinayo Jamhuuriyada islaamiga ee Iran ay yihiin kuw sal iyo
raad toona aan la heyn.
_____________________________Xafiiska Shabakada warcadnet
Usa-Alaska
ceelka@gmail.com
www.warcadnet.blogspot.com
Facebook Blogger Plugin by deercali.blogspot.com | Get Widget
Posted by , Published at 20:00 and have
