Wararka aan ka heleyno Degmada Buur hakaba ee Gobolka Baay ayaa sheegaya
in xiisad iyo dhaq dhaqaaqyo milatari oo aad u xoogan xiligan laga
dareemayo Degmadaasi.
Goob joogayaal kusugan Degmada Buur Hakaba ayaa xaqiijiyay in Al-Shabaab
inta badan ee ka baxeen Degmadaasi wallow ay jiraan Dagaalyahano yar oo
wali ku harsan Degmadaasi meelo kamid ahna lagu arkayo.
Ciidaada Dowlada iyo kuwa AMISOM oo isgarabsanaya oo ka baxay Deegaanka
Leego oo kuyaala Xadka kala qeybiya Shabeelaha Hoose iyo Baay ayaa
kaabiga ku haya Degmada Buur hakaba waxaana lasoo tabinayaa in hada u
jiraan Degmadaasi qiyaastii 5-km .
Ciidamada Huwanta ah oo Dhaq dhaqaaqooda maalintii shalay aheed bilaabay
ayaa la wareegay Deegaano u dhaxeeyay Leego iyo Buur Hakaba iyagoona
Maanta usii dhaqaaqay sidii ay ula wareegi lahaayeen Degmada Buur
Hakaba.
Saraakiil katirsa Ciidanka Xooga Soomaaliyeed oo Hogaaminaya Howlgalka
ku wajahan Degmada Buur Hakaba ayaa sheegay in Saacadaha soo aadan gaari
doonaan Degmada Buur Hakaba oo mudo sanado ah gacanta Al-Shabaab ku
jirtay.
Ciidamada dhaqaaqa sameyay waxa ay lawareegeen gooba hor leh si ay u
gaaraan hadafkooda oo ah in dhamaan gobalka Sh.hoose ay ka gacan
baneeyaan Shabaabka.
Ciidamada dowladda Soomaaliya iyo kuwa nabad ilaalinta ee AMISOM ayaa
maanta kala wareegay kooxda Al-Shabaab gacan ku haynta deegaanno ka
tirsan gobolka Sh/hoose, kadib weerar kedis ah oo ay ku qaadeeen
saldhigyada Shabaab.
Ciidanka huwanta ayaa si nabadgelyo ah gacanta ugu dhigay halka
looyaqaanno Qardho iyo Jiira-kuuloow iyo qaar kale oo ka tirsan gobolka
Shabeellada hoose, sida ay xaqiijiyen goob joogayaasha.
Gaashaanle Sare Abuukar Cabdullaahi Isaaq oo katirsan ciidamadadii ka
qeyb qaatay hujuunkii Shabaab deegaanada cusub loogala wareegay ayaa
xaqiijiyey qabsashada deegaannadaas, wuxuuna intaas ku daray in
ciidamadu sugayaan ammaanka si looga fogaado dhibaata dhacda.
Gobalka Sh.hoose ayaa xilligan waxa uu ku dhawyahay in gabi ahaana laga
tirtiro jiritaanka Shabaab maadaama isbuucyadii tegay deegaanno badan
lagala wareegay, kuwa kalana xilligaan lagu hanjabayo in dhaqsa lagu
tagi doono.
Waxii Warar ah ee kusoo kordha kala soco bogeena WMN
_____________________________
Xafiiska Shabakada warcadnet
Usa-Alaska
ceelka@gmail.com
www.warcadnet.blogspot.com
Facebook Blogger Plugin by deercali.blogspot.com | Get Widget
Posted by 23:52 and have
, Published at