Ilaa 48-ruux ayaa ku geeriyooday qaraxyo maanta ruxay magaalada
Baqdaad ee dalka Ciraaq, kaasoo loo adeegsaday baabuur waxyaabaha qarxa
laga soo buuxiyay, oo ay fuliyeen dad naftood hurayaal ah.
Qaraxyadan ayaa lala bartilmaameedsaday goobo ay ku badan yihiin
shiicada, waxaana meelaha la beegsaday ka mid ah Suuqyo, maqaayado iyo
goobo laga raaco baabuurta.
Waa qaraxyadii ugu dhimashada badnaa ee ka dhaca Ciraaq muddo lix
bilood ah, iyadoo ay ku soo beegantay 10-guuradii ka soo wareegatay
duulaankii Mareykanka hogaaminayay ee xukunka lagaga tuuray Sadaam
Xuseen.
Maleeshiyo Suniyiin ah oo xiriir la leh Al-Qaacida ayaa ku hanjabay inay weeraro ku qaadayaan goobaha shiicada ku badan yihiin.
Rabshadaha ka dhacaya Ciraaq ayaa sii xoogeysanayay dhowrkii sano ee u
dambeeyay, markii kooxaha Suniyiinta ay kordhiyeen weerarada ay ku
qaadayaan dadka shiicada ah.
_____________________________
Xafiiska Shabakada warcadnet
Usa-Alaska
ceelka@gmail.com
www.warcadnet.blogspot.com
Facebook Blogger Plugin by deercali.blogspot.com | Get Widget
Posted by , Published at 21:39 and have
