Wafdi ka socda Qaramada Midoobay oo ka kooban shan xubnood ayaa markii ugu horeysay gaaray magaalada Jowhar ee xarunta gobolka Sh/dhexe afar sano kadib.
Wafdigan oo safarkooda dhinaca dhulka ah ugaga baqoolay magaalada Muqdisho ayaa waxa ay duhurnimadii maanta ku gaareen magaalada Jowhar.
Guddoomiyaha gobolka Sh/dhexe Cismaan Jiinow Calasow ayaa waxaa uu ku qaabilay wafdigan xarunta maamulka gobolka Sh.dhexe, waxayna wafdigan isla maanta booqdeen garoonka dayuuradaha ee degmada Jowhar halkaa oo ay ka socoto dayactir lagu samaynayo garoonka.
Wafidgan oo ka socday hay’adaha UNICEF iyo UNDP ayaa waxaa ay soo gaareen magaalada Jowhar afar sano kadib markii ay la wareegeen ururka Alshabaab.
Xaruntii Unicef ee ugu weyneyd ee bartamaha Soomaaliya ayaa wafdigan ay booqdeen maanta iyadoo xaruntaa burbur xoog leh soo gaaray.
_____________________________Xafiiska Shabakada warcadnet
Usa-Alaska
ceelka@gmail.com
www.warcadnet.blogspot.com
Facebook Blogger Plugin by deercali.blogspot.com | Get Widget
Posted by , Published at 19:16 and have
