Alla ha u naxariistee Ahmed Ibraahim Nuur oo ahaa ganacsade ayay Burcad Koonfur Afrikan ah xabad madaxa kaga dhufteen isago saacado kadib u geeriyooday dhaawac xun oo soo gaaray degaan ka tirsan Magaalada Betersburg halka Maxamuud Geesood oo isna ku lahaa Dukaan tuulo hoostagta Johansseburg xilli boob xoogan loogu geysanayay ganacsto Soomaaliyeed halkaasi baangado iyo dhagaxaan kaga dhaceen madaxa iyo jirka intiisa kale dahawac halis ah oo kadib ugu geeriyooday,

Dilalka Dhaca iyo boobka dukaamaha ganacsiga ee soomaali ay Mudooyinkani dambe yaranayay ayaa haatan waxay u muuqanayaan kuwa dib u soo labanayaan iyadoo dhanka Dowladda Koonfur Afrika horay u ballanqaaday inay wax ka qabanayso dhibaatooyinka lagu haya soomaalida ganacsiyada kala duwan ku leh dalka koofur afrika,

Dhanka kale sagaal qofood oo Koonfur Afrikaan ah ayaa maanta kasoo muuqanaya maxkamadda ku taalla magaalada Pretioria kadib markii dacwad ka dhan ah boob ay u geysteen 14 Dukaan oo ay lahaayeen Soomaali Tuulada Deipsloot oo qiyaas ahaan 45 KM u jirta isla magaalada Johanssburg iyadoo Maxkamaddaasina ay barbar socotay Maxkamadd kale oo lasoo taagay nin ganacsade Soomaali ah oo isna lagu eedeeyay inuu dilay laba nin u dhashay dalka Zambabwe kadib markii ay isku dayeen inay dhac u geysteen sida uu sheegay,