daajis.com:-LINE-UPKA MACQUULKA AH:
Borussia Dortmund: Weidenfeller; Piszczek, Subotic, Hummels, Schmelzer; Gundogan, Bender; Kuba, Reus, Großkreutz; Lewandowski.
Bayern Munich: Neuer; Lahm, Buyten, Dante, Alaba; Martinez, Schweinsteiger; Robben, Muller, Ribery; Mandzukic.
Waxaa la hubaa caawa in koox Jarmal ah ay hanan doonta koobka
Champions League, laakiin waxaan la hubin oo 90 daqiiqo ama 120 daqiiqo
ka dib la ogaan doonaa inay tahay Borussia Dortmund ama Bayern Munich.
Labada kooxood ee Jarmalka ayaa ka soo talaabsaday wax walba oo
hortooda la soo dhigay xilli ciyaareedkan Champions League, waxaana ay
Wembley ku ciyaarayaan finalka koobka kooxaha horyaalada Yurub, iyadoo
koox walba ay dooneyso inay noqoto boqorada Yurub.
Dortmund ayaa indhaha ku heysa inay hanato koobkeedii labaad ee
Champions League, iyadoo finalkii kale ee ay abid gaartay koobkaan
1997dii ka qaaday kooxda Juventus.
Bayern Munich ayaa iyadana raadineysa koobkeedii 5aad ee Champions
League, iyadoo finalka Champions League soo gaartay seddex jeer afar
sanno gudaheed.
Kulanka: Borussia Dortmund v Bayern Munich
Garoonka: Wembley
Waqtiga: 9:45 pm SGA (Saacada Geeska Afrika)
Kubadsameeyaha Borussia Dortmudn Mario Gotze ayaa seegaya finalka
Champions League ee uu ka horimaan lahaa kooxdiisa xilli ciyaareedka
soo socda Bayern Munich sababo la xiriira dhaawac muruqa ah.
Gotze oo 20 jir ah ayaan ciyaarin tan iyo markii
uu dhaawac ka soo gaaray kulankii lugta labaad ee semi-finalka ee ay
bishii hore la ciyaareen Real Madrid.
Daafaca midig ee Dortmund ayaa Lukasz Piszczek ayaa isna ciyaari
doona ka hor inta uusan marin qaliin sinta looga sameynayo, halka Robert
Lewandowski oo 24 jir ah isna laga yaabo inuu kulankiisii ugu danbeysay
u ciyaaro kooxda.
Bayern Munich ayaa heysata koox xoogan oo ay line-upkeeda ka soo
xulato, iyadoo uu dhaawac muddo dheer kaga maqan yahay kaliya Holger
Badstuber.
Daafaca dhexe ee Jarmalka ayaa la filayaa inuu garoomada ka
maqnaanayo 10 bilood kale ka dib markii jeex uu ka galay jilibkiisa
midig markii labaad xilli ciyaareedkan.
24 jirkaan ayaa dhawaan ku soo laabtay tababarka ka dib markii uu ka
soo gabsaday dhaawac jilibka ah oo ka soo gaaray kulankjii ay Dortmund
la ciyaareen December, laakiin haatan waxaa qaliin ku sameeyay dhaqtarka
caanka ee Mareykanka Dr Richard Steadman ee Colorado.
MA OGTAHAY? |
- Borussia Dortmund ayaa koobka Champions League soo qaaday hal jeer, iyagoo 3-1 kaga badiyay Juventus 1997dii.
- Kooxda Jurgen Klopp ayaa 5-2 ku garaacay Bayern Munich xilli ciyaareedkii hore finalka koobka DFB-Pokal, iyadoo Robert Lewandowski uu dhaliyay seddexleey.
- Daafaca Mats Hummels ayaa BVB kaga soo biiray Bayern 2009kii ka dib hal xilli ciyaareed uu amaah ku joogay Signal Iduna Park.
- Ciyaaryahanka dhaawacan Mario Gotze ayaa durbaba ogolaaday heshiis uu kulankaan ka dib ugu biirayo Bayern Munich.
- Bayern Munich ayaa raadineysa inay ku guuleystay koobkeedii 5aad ee Champions League, iyagoo doonaya inay barbareeyaan Liverpool kooxda seddexaad ee ugu guulaha badan taariikhda koobkaan, ka dib AC Milan iyo Real Madrid.
- Kooxda Bayern ayaan wax guuldarro ah aysan ka soo gaarin dhamaan afartii kulan ee ay xilli ciyaareedkan la ciyaareen BVB, iyadoo barbaro 1-1 ah ay labo jeer ku kala baxeen Bundesliga, islamarkaana kooxda ay xafiiltamaan marna 2-1 iyo 1-0 ku garaacay koobabka Supercup iyo Pokal.
- Kulanka kale ee Jarmal uu isagu soo baxay final Europe ah waa 1980kii Uefa Cup final markaasoo Eintracht Frankfurt ay garaacday Borussia Monchengladbach.
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 17:38 and have
, Published at