Farxiya Fiska oo ah fanaanad leh cod macaan oo ku soo baxa hees kasta ayaa dib u soo qaaday heeso badan oo ay horay u qaadi jireen fanaaniin waa weyn oo magac ku dhex lahaa bulshada Soomaaliyeed, waxaana ay muujisay in ay buuxin karto booska fanaaniinta howlgabay.

Sidaas darteed ayay wada qabsatay goobaha Marfishyada ama lagu qayilo ee ku yaala dalka Ingiriiska oo laga wada dhagaysto heesaha qaaciga ah ee dib ay u cusboonaysiisay taas oo u suuragalisay in taageerayaal badan ay ka yeelato muqayiliinta Soomaalida.

Mana ahan oo kaliya in ay ku egtahay London ee waxaa kaloo qadka Internetka ka dhagaysta dadka Marqaama waliba xiliyada dambe ee habeenkii oo ku qabsada heesaha ay ku qaaday codkeeda dahabiga.

Waana sirta ka dambeysa qaabka ay ku noqotay fanaanada taageerayaasha ugu badan ku leh bahda Muqayiliinta maadaama ay u soo cusboonaysiisay heeso badan oo qaarkood aananba laheynin iyagoo fasiix ah.

Farxiya Fiska waa fanaanad da,yar oo si xowli ah magac ugu yeelatay fanka, waayo waxa ay leedahay cod macaan iyo hibo faneed, waxaana la dhihi karaa in ay ka mid tahay fanaaniinta tirada yar ee ugu faa,ideystay soo galida fanka in bulshada ay u soo bandhigaan hibada iyo codka uu ilaah ku manaystay.

Halkaan Ka Daawo Heesaha Fiska Ku Qabsatay Qabiga Muqayiliinta