daajis.com:-In ay u oofiso dharku jecelyahay ninkaagu iyo wuxuu cunaba iyo wixii
kale ee wanaag ahba, maxaa yeelay waxay kordhin jacaylkooda iyo
xidhiidhkooda usrada.
In ay sii sogootido markuu guriga ka baxayo ee uu u baxayo cibaado uu jecelyahay.
Markuu guriga ku soo noqdana waa in ay ku soo dhaweysaa bashaashnimo,
wajifurni, adeecid, hadduu shaqo soo qabtayna aad usoo dhaweeyso.
In ay marwalba u muujiso ninkeeda xubigiisa qawlkeeda, ficilkeeda iyo habka asluubteeda.
In ayd wax walba ka hormariso ninkeeda xataa ilmaheeda.
Markuu doonayo in uu hadlo aamusto, hadalkiisana fursad siisa
sidaasna usameysa mar walba, sidaas buu ku dareemayaa ninku in ay
xaaskiisu ihtimaam siineyso.
Waa in ay ka fogaato ku soo celcelinta gafkiisa waayo hadhow waxaa yaraanaya ixtiraamkiisa.
In ay sawjkeeda agtiisa ku amaanin nin kale waayo wuxuu keenaa masayr, khilaaf wuuna ka jeestaa ninku wajiga xaaskiisa.
In ay xiftido sirtiisa oo ayna ka fidinin sababtoo ah waa amaano
Yaysan kaga mashquulin ninka oo jooga wax kale, sababtoo ah wuxuu rabaa in ay qalban bi qalbi iskula joogaan.
Waa in uu codkeedu yar yahay oo xad qoslin, waayo markuu hadalkii fawdo noqdo aamusniduna waytagi.
In ay ku mashquuliso wakhtigeeda wixii anfacaya aakhiro iyo adduunyaba.
Waa in aynaa wakhtigeeda qaaliga ah ku luminin qaaylo, buuq, xan , isku
dir iyo wax kale oo xun.
In ayna raadin waxayna haysanin, oo ay ku shugrido wuxuu Illaahay siiyay oo ay qaneeco la timaado.
Waa in aay laasinto (joogto ka dhigto) Quraan akhriska iyo kutubta
cilmiga ah ee anfaca leh , waana in ay lahaato wardi ay maalintii
akhrido.
Waa in ay ka fogaato quruxda xadka ka baxsan iyo udgoonka markay guriga ka baxayso.
In ay noqoto mid dadka diinta ugu yeedha iyo dariiqii Rasuulka
[Salallaahu calayhi wasalam] ugu yeedha ugu horeyn ninka kadibna ku
xijiso dadka kale.
In ay ixtiraamto ra yiga ninkeeda waana albaabaha ixtiraamka arinkaasi.
In ay siiso ninkeeda dhamaan xuquuqdiisa oo dhan wixii Illaahay ku waajib yeelay iyadoon ka caajisin ugu samaysa wanaag.
In ay ka fogaato bidcada, sixirka iyo xumaanta oo dhan waayo waa dariiqa naarta lagu galo.
In ay raali galiso markuu cadhoodo ninkeedu
In ay noqoto qudwo wanaagsan markey saaxiibadeed la joogto iyada oo
unoqonaysa tusaale sida hanuunkeeda hadalkeeda, quruxdeeda, edabteeda
iyo akhlaaqdeeda.
Waa in ay laasimtaa xijaabka Islaamiga ah ee sharciga ah.
Markuu safar rabo ugu duceysa khayr iyo nabad galyo iyo in ay wax walba u xifdido.
In ay ilaaliso dareenka ninkeeda, kana dhawrto wixii dhibaya.
In ay ninkeeda umuujiso run in ay kalgacal u hayso iyada oo
isticmaalaysa hadal qurux badan oo waxaa ku noqonaysa
sacaadatu-zawjiyah.
In ay ilaaliso dareenka ninkeeda oo ay ka dheeraato wixii dhibaya ee hadal ah, ficil ama dabeecad xun ah.
Markii uu u keeno hadyad waa in ay mahad naqdo iyada oo muujinaysa
jacayl iyo farax, hadayadii awgeed waxaa siyaadaya jacaylkeeda, waxaana
tagaya xiqdiga iyo cadhada ka dhaxaysa labada isqaba.
Waa in ay tahay mid diin iyo qurux leh, oo leh quruxda diinta,
diinteeduna kaamil tahay (dhamaystirantahay) oo dabeecad wanaagsan.
Waa in ay ogaato wakhtiga uu ninkeedu faraxsanyahay, murigeysanyahay,
cadheysanyahay, qoslo, ooyo, sababtoo ah arinkan mashaakilka usrada ayuu
baabi inayaa.
In ay ninkeeda nasteexooyin siiso, waxa wanaagsana u ishaarto
ninkeeda. Waa in uu ka qaato ninku xaaskiisa ra yigeeda. Rasuulkii
Illaahay [Salallaahu calayhi wasalam] wuu ka qaadan jiray haweenkiisa ra
yigeeda mawqifkasta.
In ay jeclaato ninkeeda, ixtiraanto, oo aysan kala dibdhicin shaygu jecel yahay ee ay usoo hormariso.
In ay tahay shaqsiyad go aan adag leh oo ku kalsoon labiskeeda iyo dhamaan hadalkeeda oo dhan.
In ay raacdo ninkeeda markey u baxayso dawaafid sharci ah.
In ay ku dhahdo macaane sababtoo ah kalmada wanaagsani qalbigaa
jecleysta, ninkana waxaa ugu siyaada jaceyl markasta oo ay ku tidhaahdo
hadal macaan.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 04:30 and have
