daajis.com:-Hal ama toban ka badan dadka xiriirka ka dhexeeya badanaa isma
yiraahdaan waan ku jeclahay si joogta ah,si kasto oo ay isaga dhow
yihiin dadka kale ama isku weheshadaan,waxaana lagu kala duwan yahay
qaabka qof walbo u cabiro dareenka uu u qabo kan kale isagoo
isticmaalaya xeelado kale oo abuurta jewi isfahan ah.
In badan oo ka mid ah lamaanayaasha waxey leeyihiin habab ay isugu
soo dhawaadaan iyadoo arintaasi uu qeybta weyn ka cayaarayo qalbiyadooda
iyo heerka ay la egtahay baahida ay isku qabaan.
Jaceylka dad badan oo ka hadla waxey aaminsan yihiin marwalbo oo aad u
adeegsato lamaanahaaga ereyga waan ku jeclahay iney sii badaneyso
kalsoonida iyo baahida leysku qabo,iyadoo arintaasi doorweyn ka cayaari
karo inuu sii kordho rabitaanka labada shaqsi.
Ereyada sixirka ah ee lagu cabiro jaceylka dad badan ayaa qirta iney
adeegsadan maalmaha ugu horeysay ee ay bilaabto wada
socodkooda,haseyeeshee mudo kadib ay iska yaraato adeegsiga waan ku
jeclahay.
Lamaanayaal badan ayaa tilmaama iney aad uga helaan iney si joogto ah
u gu adeegsadaan qofka ay jecel yihiin ereyada abuura dareemaha
jaceylka gaar ahaan aan afkoodu ka dhamaan waan ku jeclahay.
Ma sahlana inaad qof jeclaato oo aad qeybta laga xukumo naftaada
gacanta ka saaro,kuna dhiirigeliso inuu si toos ah ama si dadban kuu
maamulo,laga yaabee qofkaas inuusan istaahilin fursada nolosha ee aad
siisay.
mararka qaaar waxaan qaadanaa go’aano adadag oo ku saabsan
mustaqbalka nolosheena anagoon ka fiirsan talaabadaas aan qaadnay
natiijada ka imaan karta,sida horey loo sheegayna qof wax jecel waa
indhool, bini aadamku marka uu qalbiga hogaamiyana wax kasta ayaa ka
imaan kara, ka fogow weligaa inuu qalbigaaga hogaanka kuu qabto,
maskaxda iyo qalbigu waa iney wada shaqeeyaan hadii kale shalaaydu wax
tegay ma soo celin karto.
Hadaba aqriste qiyaas intee la’eg ayaad maalintii tiraahdaa xabiibtaada/kaaga WAAN KU JECLAHAY.?
Qalbigaaguse si aad ah ma u garaacmaa marka qofka aad jeceshahay uu ereyadaan ku yiraahdo?
Jawi noocee ah ayaad gashaa markaad dareento qofkaas inuu aad kugu dhow yahay?
Si yaabo kala duwan ayey bini aadamku u kala fasiraan dareenka
jaceylka waxaana xukumo dabeecadaha caadiga ah ee qofku u dhashay, hadii
aad horey u aheyd qof degan aamusnaan badan waxaa laga yaabaa iney kugu
adkaato inaad ku dhiirato oo aad hor istaagto qofka aad rabto una soo
bandhigto waxaad u qabto. Hadiise aaad horey u aheyd qof aftahan ah oo
aad u dhiiran aanan hadalada la gamban laga yaabee iney sheekada kuu
sahlanaayo.
Badweynta caashaqa qof bartaa ka bogan kara ee dhalinyaro iska
ilaaliya jaceylka iyo ka helida waa qataraha badanaa dad badani ku
hoogtaa.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 03:30 and have
