daajis.com:-Gudoomiyaha Baarlamaanka Soomaaliya Prof. Maxamed Sheekh Cusmaan Jawaari ayaa sheegay in Xildhibaanada ay ka keeneen mooshin ka dhan ah ciidamada Kenya ee ku sugan Jubooyinka.
"Maadaama Golaha Baarlamanku yahay Hey'adda Sharci ee dalka, waxan ku qasbanahay Kenya inaa ka dalbano ineysan soo faragelin siyaasadda dalka"ayuu yiri Prof. Jawaari qoraal uu soo dhigay bartiisa Twitter-ka
"Mowshin bay xildhibaanada qaranku qaarkood ka keeneen faragelinta aan wanaagsaneyn ee ciidamada Kenyaatigu ku hayaan arrimaha Jubbooyinka"ayuu sii raaciyay qoraalkiisa uu soo dhigay Twitter-ka.
Xildhibaanada baarlamaanka ayaa dhowaan cabasho ka keenay Ciidamada Kenya ee ku sugan Jubooyinka, iyagoo ku eedeeyay in Kenya ay taageereyso dhinac gaar ah, ayna qeyb ka tahay dhibaatada Kismaayo.
Madaxweynaha Soomaaliya Xasan Sheekh ayaa mar uu ka hadlayay shir madaxeedki Midowga Afrika ee Addis Ababa ka dhacay ayaa ku eedeeyay Kenya inay hareer mareen howshii loo igmaday, kadib markii ay diideen inay sugaan ammaanka wafdi Wasiiro ah oo gaaray Kismaayo, kuwaasoolagu xayiray garoonka diyaaradaha Kismaayo muddo saddex cisho ah.
Dowladda Soomaaliya ayaa beryihii u dambeeyay muujineysay sida aanay ugu qanacsaneyn fara gelinta Kenya ku wado arrimaha Jubooyinka, iyadoo si dadban u taageerta Axmed Madoobe oo hogaamiya garab ka mid ah Maamulka Jubaland.
Twitter-ka Gudoomiyaha Baarlamaanka: @Somali_Speaker
_____________________Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 10:06 and have
, Published at