Dadka geeriyooday ayaa isugu jira shacab iyo ciidan, waxaana lasoo warinayaa in dadka dhintay ay ku jiraan dhalinyaro dhawaan Urur ay ku mideysan yihiin Gobalkaasi laga hirgeliyay. 

Sidoo kale wararka waxa ay intaasi ku darayaan in ciidamada Ethiopia oo goobta joogay ciidan ay uga geeriyoodeen, waxaana tirada ciidanak Ethiopia ee waxyeelada soo gaartay lagu sheegay inay gaarayaan ilaa afar askari. Wararkale ayaa sheegaya in ciidamada Jabuuti ee iyana goobta ka agdhawaa uu soo gaaray khasaaro, inkastoo wararkaasi aan si dhab ah loo xaqiijin Karin. 

Taliyaha qeybta Booliiska Gobalka Hiiraan Isaaq Cali Cabdule oo goobta ku sugan ayaa laguwadaa in goordhaw uu shirjaraa’id qabto kana hadlo waxa ka dhacay Magaalada. 

Goobta qaraxa uu ka dhacay oo si aad ah ugu dhaw albaabka hore ee xarunta Gobalka, ayaa hada waxaa ka socda gurmadka dadka loo sameynayo, iyadoo gaadiidka Ambulance-ka ah ay daadgureynayaan dadka dhibaatada soo gaadhay. 

Ciidamada Ethiopia ayaa rasaas ay fureen qaraxa kadib, waxaa lasoo wariyay inay ka dhasheen khasaaro dhimasho iyo dhaawac ah, taasi oo sii kordhisay tirada dadka ku geeriyooday qaraxa. 

Xaalada Magaalada Beladweyne, ayaa aad ukacsan, waxaana gabi ahaanba la xiray nawaaxiga halka qaraxa uu ka dhacay ee xarunta Gobalka ku dhaw.