daajis.com:-Fanaanka caanka ah ee Soomaaliyeed Maxamed Axmed Qoomaal oo mudo sanado ah dalka ka maqnaa ayaa xalay wacdaro ka dhigay xaflad balaaran oo lagu qabtay Degmada Howlwadaag ee Gobolka Banaadir.
Qoomaal ayaa xalay Bandhig uu soo qaban qaabiyay Gudoomiyaha Degmada Howlwadaag Maxamed Abuukar Cali Jacar oo lagu qabtay Xarunta Degmadaasi ka dhigay wacdaro, iyadoona dadkii kasoo qeyb galay xaflada aad ugu riyaaqeen Bandhiga Qoomaal uu ka qeyb galay.
Fanaanka ayaa soo bandhigay Heeso Cusub oo wadaniyad xumbaarsan uu dhawaan soo saaray , waxaana dadka aad u jecleesteen oo soo jiitay Heesta Xamareey oo ah Hees Cusub uu kaga hadlayo hormarka ay gaartay Magaalada Muqdisho.
Maxamed Axmed Qoomaal ayaa aad aad u raali galiyay shacabkii tirada badnaa ee kasoo qeyb galay munaasabada xalay ka dhacday Degmada Howl Wadaag ee Gobolka Banaasdir.
_____________________Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 18:30 and have
