daawo sawirada:- Musharax Awaare oo Si wayn lagu soo dhaweeyay Dalka Suudaan

daajis.com:-Musharax Cali Cabdi Awaare oo maalmihii lasoo dhaafay safaro dibada ah ku maqnaa ayaa gaaray wadanka Suudan.

Waxaana garoonka Dayuuradaha ku soo dhaweeyay Ardayda Puntland ee wax ka barata Suudan Safaaradda Soomaaliyeed ee Suudan iyo qeybo ka mid a bulshda Ku dhaqan Khartoum.

Mr.Awaare oo salaan qaaday qaar ka mid ah xubnihii soo dhaweeyay ayaa aad uga mahad celiyay soo dhaweynta loogu sameeyay Khartoum.

Taageerayaasha Awaare oo sitay darees ay ku xardhanaayeen sawirada Musharaxa ayaa ruxayay calanka Jamhuuriyada Soomaaliya iyo kan Puntland,waxa ayna ku dhawaaqayeen hal ku dhigyo loogu soo dhaweynayay wadankan Suudan.

Awaare ayaa jaaliyadda Puntland ee Suudan kaga warbixiyay sababaha uu u yimid wdanka Suudaan iyo xaaladda guud ee deegaanada Puntland,isagoo sidoo kale ka hadlay wax qabadkiisa 5- sano ee soo socota hadii uu ku guulleysto Madaxtanimada Puntland.

Ugu danbeyn qaar ka mid ah taageerayaasha Musharaxa oo warbaahinta lahadlay ayaa dareenkooda Ku aadan soo dhaweynta Musharaxa Cabiray.

Cali Cabdi Aware waxaa uu Ka mid yahay Musharixiinta ugu cad -cad Puntland waxa uu xillal ka soo kala qabtay xukuumadihi C/llahi Cabdullaahi Yuusuf iyo Cade Muuse

Musharaxaan ayaa waxa uu tartar xoogan ugu jiraa madaxtinimadda Dowlada Puntland,iyadoona lagu wado maalmaha soo socda inuu dib ugu noqdo Deegaanada Puntland.

_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com