Gerrdo Gamboa ayaa sheegay in lacagta oo bac ku jirtay moodayay marka hore in qofkii ka dagay gaarigiisa uu shukulaato uga tagay isna wax dareen sidaa u weyn uusan siin uuna galiyay qeybta dambe ee gaarigiisa.

''Wax macno ah iima sameynin bacda waxaana galiyay qeybta danbe ee gaariga waxaan is iri waa shukulaato uu qof ku ilaabay, balse mar aan biririf yar galay ayaan is iri cun shukulaatada waaba lacag fowqal caqli waxaan go'aansaday inaan Booliiska u geeyo Booliiskii ayaa durbaba helay qofkii lacagta ka dhuntay oo ah nin 28 jir ah oo qamaariiste ah oo ciyaara Pokker oo ah Ciyaar qamaar la dhigto '' ayuu yiri Taksiilaha helay acagta tirada badan.

Ninka Taksiilaha ah ee helay lacagta ayaa sheegay in markii Booliiska u geeyay lacagta uu halkaasi yimid ninkii lacagta lahaa ee gaarigiisa uga tagay waxa uuna xusay in uu siiyay ninkaasi 10-Kun oo kamid ah lacagtii uu gaarigiisa uga tagay.

Waxaa cajiib ku noqotay dadweynaha Mareykanaka iyo dadyowga kale ee warbixintan gaaray Ninkan Taksiilaha ah ee helay lacagta tirada badan hadana raadiyay qofkii lahaa si uu lacagtiisa ugu celiyo waxa uuna ninkan noqday mid aad looga hadal hayo meelo badan oo dunida ah.