daajis.com:-Magaalada Muqdisho oo bishii hore laga hirgeliyay Lambarka gurmadka deg dega ee ciidamada Booliska Soomaaliyeed horay u lahaa ee 888 ayaa wax badan kusoo kordhiyay nidaamka xaaladaha deg dega ee Muqdisho ka dhaca.
"Maalintii waxaa ka jawaabnaa taleefano badan, oo dadka nagu weydiinayaan waxa aan ka caawin karno" sidaasi waxaa yiri Farah oo 46 sano jir horay horayna ugu soo shaqeeyay dowladdii kacaanka, haddana ah madaxa xiriirka ciidamada Booliska ee 888.
Wuxuu sheegay farah in mudo bil ah oo lambarka gurmadka deg dega ee 888 uu shaqeynayay in ay heleen 40 taleefan oo lagu soo wargeliyay arrimo halis badan oo Booliska ay wax ka qabteen.
Wuxuu kaloo sheegay in maalin walba ay dadka kusoo wargeliyaan xaalado qatar badan, iyagoo soo garaacaya Lambarka 888 oo ah mid lacag qofka ka baxeyn, marka uu soo waco.
Tallaabadani ayaa mid wax badan ka qabaneysa xaalada amaan daro ee Muqdisho iyo isku xerka shacabka iyo hay´addaha amaanka dalka.
Soomaaliya waxay laheyd adeegyo kala duwan oo gurmadka deg dega sida kan shilalka marka ay dhacaan ee 777 iyo midka dabka dhaco lasoo waco ee 555, inkastoo labadaasi lambar weli la howlgelin, balse qorshuhu yahay in dib loo howlgeliyo.
23 sano ee burburka dowlad la´aanta ka jirtay dalka adeegaan iyo kuwa la midka ah kama shaqeyn dalka, waxayna tallaabadani ay muujineysaa dib u soo nooleynta adeegyadii bulshada iyo xiriirka Booliska Soomaaliyeed ka dhaxeeyay.
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 13:36 and have
