daajis.com:-Haboon waxaad jeceshahay in aad u labisato si heer sare ah, waxa aad
xidhata dharkii ugu danbeeyay uguna qaalisana, in kastoo ay Reerkiinu
iska ladan yihin way yara diidan lacagta badan ee aad ku qarash garayso
dharka, hadana waa beer wax dhalay uun, oo waxba kaama haysan karaan.
Labaddii bilood ee fasaxa ahaa, dugsiguna xidhnaa, waxaad Booqasho
ugu tagtay walaasha oo Itoobiya dagan, waxaa booqashada ku dheer Dalxiis
iyo in aad ka soo iibsatay dhar aan laga helin magalada aad joogto, si
aad uga labis qurux badnaatid Gabdhaha Da?aadada. Waxa
kale oo aad booqashada uga fa?iidaysatay in aad sawiro ku soo gashid Itoobiyada.
Haa, odayga ku dhalay waa in aanu arkin sawiradan, hadii uu arko
maxaa dhici kara? Waxaa kaga imaanaysa canaan. Canaan maxay ah, ma in
aan is sawir waxaan ahayn ban sameeyay? Maxaad sida u leedahay, miyaadan
ogayn in aabaha uu yahay Shiikh, in kasta oo aanu diinta wax badan ka
aqoonin hadana inta uu yaqaano wuu ku adagyahay, Shanta salaadoodna
masaajidka ayuu ku tukada, oo ma ogolaanayo sawiradan aad qaarkod bilaa
garba saarta tahay.
Waa run, waa in aan aabahay ka qariya sawiradan, hadii kale mar danbe
iima ogolaanayo in aan Itoobiya imaado. Waxa kale oo laga yaaba in uu
qiil u helo inuu Dugsiga iga saaro, oo uu dhaho dhaqan xumadanba
iskuulka laga barta. Wallahi way dhici karta oo aabaha awalba raali
kamuu ahayn in aad waxbarashada sii wadato.
Haboon hada waa 17 jir, oo hada ayay usoo gudubtay dugsiga sare. In
kasta oo ay imtixaankii loogu gudbayay dugsiga sare keentay natiijo
fiican, hadana anigu raali kama ahi in ay waxbarashada sii wado, oo waa
tii hore loo yidhi `Gabadh ama gunti rageed ama god hakaga jirto?
laakiinse waxaa igu qasbay inaan u ogolaado, baryadaadi badnayd oo
caloosha I hurisay iyo Islaanta hooyadeeda oo igu qancisa in
waxbarashadu wiilasha oo kaliya aanay waxtar u lahayn.
War nimanyahow waxbarasha wax taraysa lahaynine, Ma laga yaaba in ay
inantaa yari ceeb iiso jiido? Maya, maya intaanay igu dhalinyaroobin oo
aan la odhan; ?duqii warsame ahaa inantiisiba halkaas wiil yar la
maraysay? waa in aan anigu u guuriya.
Hadaba aan ka fikiro nin wanaagsan oo iyada dhaqan kara, ka waran
odaygan Aw Abokor ee aad saaxiibka tihiin? Waana nin xoolo leh. May,
maya kaas ka daa, ma ninka 10 caruurta leh ee labadda xaas leh baad
inanta yar u dhisaysa? Caruurtiisaba ka waaweyn inanta yar.
Bal sug mar kale aan maskaxda yara wareejiye, haa, hadan helay. Ka
waran wiilkan dhalinyarada ee ka eedama masaajidkan aad ku tukatid?
Wallahi wa wiil iyada la da?aad ah, oo akhlaaq iyo Diinba leh. Wa run
waa kii ramadaantii dhawaydna isagu Taraawiixda na tujinayay.
Isaga markaad u sheegto, waad hubta in aanu ku diidayn, waayo waa
duca qabe, walee hooyadii iyo aabihi kaas way u duceeyen. Bal hadaba tan
aad dhashay ma yeeli doonta? Oo maxay ku diidaysa waa wiilka quruxda
iyo diintaba lehe. Iga walee haday taladayda diido waaba iga dayro!!
Haboon Markii aad ka timi Itoobiya, Aabaha wuxu ku sheegay in aad
kala dooratid duco iyo habaar. Ducadu wa in aad yeeshid Aabaha wuxuu
kugu taliyo, habaarkuna wa in aad diidid!! Talo way kugu cadaatay,waayo
aabaha hadal kuma diidi kartid, riyadaaduna waxay ahayd in sida boqorada
lagu arooso markaad waxbarashada dhamaysatid.
Wax walba waxay kugu noqdeen kadis, dalxiiski iyo wakhtigii fiicna ee
aad soo qaadatay waxaa ku ilowsiiyay arintan, lakiin Aabaha waxaad ka
codsatay in uu ku siiyo fursad aad wiilka ku wada sheekaysatan oo aad
isku fahantan, nasiib wanaag aabaha taas wuu ka ogolaaday.
Wuxuu malin aabaha ku sheegay in aad beri, salaada casar kadib isu
diyaarisid in aad la kulmaysid wiilkii lagu siiyay. Timahad u dabatay si
dag-daga, waxaad diyaarisay shaah xawaash iyo san jabiil leh, waanad
ogayd in wiilku sheikh yahay, sida daraaded caagad caano ahna wad sii
dirisay.
Markii wiilkii iyo aabaha oo wada socda yimaadeen, ee aad siisay
waxaad ugu tala gashay ayaa layskiin baray, waxaa dhacday in odaygii
aabaha ahaa isku dayo inuu adiga iyo wiilka iskaga kiin taga si aad u
wada sheekaysatan. Lakiin shiikhi lagu siiyay odaygii aabaha oo kadinka
maraya ayuu ka daba yeedhay oo uu ku yidhi kaalay adeer(diintu ma ogola
in laba dhalinyaro ah laga tago iyagoo kaliya, waakii ilahay aayada ku
yidhi??.. xadiiskii saxeexa ahaana wa kii ahaa?..)
Adigu wad jeclayd in labadiina layskaga kiin tago oo aad is fahantan,
lakiin waxaad naftada ku qancisay in maanta ay tahay malintii ugu
horeysay oo ay maalmaha danbe wax is badali doonan. In wax is badalaan
iskaba daaye waaki wiilki diidayba inuu gurigii dib usoo galo
Oo waa kii ku yidhi: walaal labadeenu waxaynu kulmayna malin walba
Shanta galab nimo, (waliba adigu intaad guriga gasho oo aad albaabka yoo
xidhato, ayaan aniguna albaabka oo xidhan kadinka istaagaya, oo halkaas
baynu ka wada hadlayna!!) wa adiga sii fajacay, ee hadana isku laab
qaboojiyay beri-bay hagaagi.
Waxaad mudo ku wadaan sida, oo u albaabka oo xidhan kadinka ka
qayliyaba. Waakii maalintii danbe Taleefoonka kala soo hadlay oo ku
sheegay inuu galabta hadyad ku keenayo!! Wa adiga is yidhi mala wuxuu ku
soo wada (Cadar, Mobile, Computer IWM)
Maanta alaabbu sida oo albaabka in la fura waa qasab, mar hadii
albaabku furan yahay ileen guriga soo gali maaye wa in aad adigu Kaabada
fadhiisata. waa kaas soo socda, bacna ma side tolow hadyadii meeday?
Markuu sida ku arkay dacwad buu bilaabay (waa maxay diracan aad
xidhantahay? Maxa in aad wadada ku qososho oo ragu ku arko. ilahay wuxuu
yidhi?. Xadiis saxeexa ayaa leh?..) cabaar marku khudbadii jimcaha oo
kale jeediyay
Ayaad is tidhi si aad jawiga u badashid hadyadii waydii, wuxuu jeebka
sare ka soo saaray Canjalad yar oo nooca kaaseedka ah!! Intaad yaabtay
ayaad is tidhi malaa afka hadaladu ka odhan kari waayay ayuu canjaladan
ku soo duubay. Laakiin sida ma ahee wuxuu ku sheegay in ay ku
duubantahay (Suurada Quluuxiya) oo ay wanaagsantahay in guriga lagu
shido. Adigoo yaaban, ayaad u sheegtay in aanu gurigiina oolin Rikoodh
canjaladaha noocan ah lagu dhagaysto!! Waayo canjaladan waxaa la
isticmaali jiray wixii ka horeeyay 2000.
–
Cabdixaafid Mowliid (Weheliye)
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 21:33 and have
, Published at