daajis.com:-Kooxda Bayer Leverkusen ayaa soo
dhaweysay PSG lugta hore ee wareegga 16-ka Champions League, kooxda
Paris Saint Germain ayaana guul weyn gaartay kaddib ciyaar ku
dhammaatay 4-0.
Daqiiqaddii saddexaad ee bilowgii
ciyaarta ayey PSG hoggaanka u qabtay ciyaarta waxaana shabaqa tagay
Blaise Matuidi, daqiiqadii 39-aad ee isla qeybtii hore waxaa raacsaday
Zlatan Ibrahimovic kaasoo gool u bedelay rigoore lagu abaal-mariyey.
Inta aan la aadin qeybta nasashada waxaa
mar kale shabaqa soo taabtay daqiiqadii 42-aad Zlatan Ibrahimovic,
ciyaarta ayaana lagu kala nastay 3-0 oo ay ku gacan sarreeyeen xiddigaha
PSG oo marti ahaa.
Markii dib la isugu soo laabtay qeybtii
dambe ayaa waxaa kooxda Bayer Leverkusen kaarka cas ka qaatay
xiddigooda Emir Spahic, daqiiqadii 59-aad kaasoo ay isku raaceen labo
kaar oo digniin ah.
Yohan Cabaye oo ay dhawaan la soo
wareegtay PSG ayaa goolkiisii ugu horreeyey u dhaliyey waxaana uu
ciyaarta ka dhigay 4-0 daqiiqadii 88-aad ee ciyaarta.
Qeybtii dambe ee ciyaartan ayaa u
muuqatay mid Leverkusen ay difaac gashay maadaama goolal afar ah lagu
hoggaaminayey hal ciyaaryahannada dibadda looga saaray, waxaana
ciyaartii ka dhacday garoonka BayArena ay ku soo idlaatay 4-0 oo loogu
awood sheegtay kooxda Bayer Leverkusen.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 04:48 and have
, Published at