daajis.com:-Tababarah kooxda AC Milan Clarence Seedorf ayaa beeniyay warar uu
sheegay in si qaldan looga baahiyay sababta ka ooysiiyay Mario
Balotelli, kulankii xalay kooxdiisa 3-1 looga adkaaday.
Balotelli ayaa la beddelay dhammaadkii cayaarta, xilligaas oo ay
Napoli 2-1 ku hoggaaminaysay kooxdiisa, waxayse kaamirooyinka qabteen
Balotelli oo ooyaya, illimadana ceshan kari la’.
Intii ay cayaarta socotay Balotelli ayaa khasaariyay fursad uu goolka bar-barraha ugu dhalin karay kooxdiisa.
Warar lagu baahiyay warbaahinta dibadda Talyaaniga ayaa sheegayay in
taageereyaasha Napoli ay cunsuriyeeyeen Balotelli, balse waxaa
arrintaasi beeniyay macallinka Milan Clarence Seedorf.
“Waxay ahayd illin cayaaryahannimo, Mario waa binil’aadam. Way ka
dhacdaa [in la ooyo] cayaaraha kubbadda cagta guud ahaan iyo isboortiga
marar badan.” ayuu yiri Seedorf.
“Waxaan nahay cayaartoy waxaa jira marar aan sidaas dareenkeenna ku
muujinno. Wax qalad ah ma arko ama wax aan layaab leh. Horey bay iisoo
martay.”
Warar baa sheegaya in saaxiibtiis hore ay deggan tahay magaalada
Naples, isla markaana ay suuragal tahay inuu arkay gabadhiisa markii ugu
horreysay.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 14:21 and have
, Published at