daajis.com:-Qof walba wuxuu jecelyahay inu helo wax qurux badan sheey ama shaqsi
taasna waa dabeecad ay ka wada simanyihiin bini’aadamka oo dhan hase
ahaate qof walboo wax jeclaado wuxuu muruq, maal iyo maskaxba ku bixiyaa
siduu ku heli lahaa wuxuu jeclaaday ama ka helay.
Wax walba aad waqti iyo maskax geliso wax uun waa ka soo baxaayaan
sidaa moodeysay haba ka yaraadaan ama haka bataan laakin annaga haddii
aan soomaali nahay waxaan rabnaa hadal iyo niyad been ah inaan ku
raadino soomaalidana waxay horay u tiri, HABAR FADHISAA LEGDIN LA FUDUD
iyo WAA RABAA ROOB BAA LAGU WAAYAY,
Dadka dhallinyarada ah marki ay ka sheekeysanaayaan rabitaankooda
dhanka lamaanaha waxay ku jiraan riyo waxa ay tahay aan garan waayay,
Gabadhada soomaalida ah waxay ku leedahay: wallaahi film-kaas waa
caajib atooraha waa romantic, lebbiskiisa caadi maahan, jirkiisa siduu u
dhisan yahay kaba daran, wiilasha soomaalida ah maxaa sidaa u diiday
inay noqdaan?
Wiilka soomaaliga ah waxuu ku leeyahay: fanaanad/atariisho heblo ma
aragtay jir lee ma ku yaalo, sanka ilaa suulka waa laga qurxanyahay
lebbiskeeda ka daran yaakheey, gabdhaha soomaalida reer baadiyeyaal
waaye nooh, lebbis ma yaqaannaan, jirna iska daa, sambuus si qaldan loo
laabay/sameeyay camal ay u kala dheertahay!
Laakin la isma weydiin horta dadka caanka ah marki ay caadiga yihiin
wax badan ma ka duwanyihiin oo sidaa kaamirada uga aragtay ma yihiin?
Waa maya markii laga reebo inay xoogaa dhaqaale ah heystaan taasna
adba nasiibkaada iyo shaqadaada waa ku heli kartaa, waxaa jiro dad la
yiraahdo PAPARAZZI oo sawiro ka soo qaado ayagoon diyaar eheyn, taas
ayaana caddeyn kuugu filan.
Waxaa meeshaas ka muuqdo in gabadha ay dooneyso nin u eg midki ay ku
daawatay musalsalka waliba sidii film-ka ay daawato oo taxanaha ah oo
kale jaceyl ula sameeyo.
Wiilkana sidoo kale gabadhii u TV-ga ka arkay gabar sideeda oo kale ah inuu nolosha la wadaago.
Dhanka quruxda aad raad raadineyso:
Horta haddii aad aragtid atariisho/atoore qurux badan macnaheedu
maahan in dadka dhan sidaa u egyihiin ee waa qof la soo xulay oo
kumanaan dad ah laga soo dhex xulay ka dibna meelaha yaryar ee ka dhiman
lagu kabay animation ama iftiin/lighting, jirka aad arkeysid sidoo kale
waqti badan iyo shaqo adag baa la geliyay ugu yaraan 6 bil ama ka
badan.
Sidoo kale filim-ka jaceylka ah aad arkeysid waxaa laga yaabaa
inuu socdo mudo 3 saac ah inta macaanna ay ka badantahay inta qaraar ee
laga jaray qaladaadka filimada laga jaro, haddii hal clip laga dhigo 3
maalmood wuu socon karaa marka taas haddii aad dooneysid inaad ogaato
bal tag meel filim lagu dhigaayo/duubaayo!
Anigoo iska dhigaayo wiilasha soomaalida ah:
Abbaayo haddii aad rabtid filim-ki aad daawatay oo kale jaceyl ah
waxaan ku haaya kaas mid ka wanaagsan, sababtoo ah marka hore film 3
saac u soconaayaa aniga waxaan ku jilaa mid soconaayo 2,160 saacadood (3
bil) ka dibna atoorihii iyo atariishadii aad daawaneysay jidkeey mareen
an mareenaa, micnaha waa kala tageynaa, ilaa laga gaaraayo film kale oo
cusub, iyadoon waxba la isu raacan haddii kale isla filim-ka annagoo
jileyno aan nolol dheer oo ilaa ebid ah isla qaadanee filim-ka
qaladaadki laga jaray noogu dar oo waxii dhib yimaado hadhow aan CUT ku
sameyno, adigoo Director ka ah meesha!
Anigoo gabdhaha difaacaayo:
Maraxow atariishada/fanaanada aad indhaha u taageysid meeqo malaayiin
nin ah oo adiga camal ah ayaa u hanqal taageyso, oo waliba weysan
ayagoo waqti iyo lacagba ku raadiyay; ma sheegin wixii nasiibkaada aad
ku hesho, nin mooryaan ah oo dad badan dilay baa lagu yiri ninyahow
salaadda tuko si aad janno u gasho isagoon ka waalin intuu xabbad sigaar
ah oo dheer shitay u dhahay “eeboow janno jidkeed kuma joogo, haddana
uma janjeero” Maraxow hadda adiga macallimada aad Tv-ga/Computer-ka ka
daawato jidki lagu heli lahaa kuma joogtid, umana janjeertide maraxdaada
maad iska iimaansatid intaad suuqa leedahay oo bidaar iyo calool ku soo
weerarin ileen bidaar+calool beeso la’aan ah bilcaan ma rabtee!
Anigoo wiilasha iyo gabdhaha la hadlaayo:
Maraxoow/maraxeey horta adduunka labada qof ee isla socotaa maaha
qofkaan waa qurux badanyahay ama jir buu leeyahay ee waxaa loo
baahanyahay inay leeyihiin “something common” (xaaladda/dan guud oo
lamaanaha mideyn karta)
Marki ay taas timaado qofkaas iyada/isaga ah oo aad rabtid hadduu
foolxunyahay xitaa waad quruxsan kartaa ileen quruxda indhahaa sameeyo,
foolxumo la qabsasho lee waaye abaaba.
Laakin haddii aad rabtid atoore/atariisho fanaan/fanaanad hebal ama
heblo oo kale inaad nolol la wadaagtid adigana isaga/iyada oo kale iska
soo dhig.
Abdirizak Hassan Mohamed (BISLE)
Xigasho : Dhaqanbile
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 21:00 and have
, Published at