daajis.com:-Shalay ayey aheeyd markii Ciidamada Dowladda Soomaaliya iyo kuwa AMISOM ay la wareegeen Degmada Buulabarde ee Gobolka Hiiraan,oo mudo ay ka talin jireen Maleeshiyada kooxda Al-shabaab.
Waxaana Degmada Dadkii ugu badnaa ay iskaga Carareen kadib markii kooxda Al-shabaab ay ku amreen in aan Degmada lagu harin, hadii ay ka baxaan Al-shabaab.
Gaanshaanle sare C/laahi Bare oo ka mid ah Saraakiisha Ciidamada Dowladda Soomaaliya oo ku sugan degmada Buulabarde ayaa ugu baaqay Shacabkii Degmada ka Barakacay in ay Dib Degmada ugu soo laabtaan.
C/laahi Bare ayaa sheegay in Dadka loo baahan yahay in ay Dib ugu soo laabtay Degmada oo Dowladda Soomaaliya ay gacnsiiyaan si Shabaab guulo looga gaaro.
Dhanka kale Gaanshaanle sare C/laahi Bare ayaa sheegay in Ciidamada Dowladda iyo kuwa AMISOM ay ku wajahan yihiin Deegaanada Maxaas iyo Jalalaqsi oo ka tirsan Gobolka Hiiraan.
Waxaana Saaka Degan Degmada Buulabarde ee Gobolka Hiiraan,aydoona Ciidamada Dowladda Soomaaliya iyo AMISOM ay wadaan Baaritaano Xoogan.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 13:51 and have
