daajis.com:-Baarlamaanka federaalka Soomaaliya oo maanta kulan xasaasi ah ku yeelan doona Xarunta golaha shacabka iyo ciidamo badan oo wadooyinka lasoo dhoobay.
Mudanayaasha Baarlamaanka federaalka Soomaaliya ayaa maanta kulan adag ku leh xarunta golaha Baarlamaanka, kaas oo la filaayo in ay ka doodan waxyaabo badan oo muhiim ah.
Arrimaha ugu weyn ee qorsha hoowleedka maanta ay mudanayaasha falanqeyn doonaan waxaa ka mid ah miisaaniyadda sanadka 2014 oo dhowaan ay xukuumadda federaalka Soomaaliya soo gudbisay.
Wasiirka Maaliyadda dowladda federaalka Soomaaliya Xuseen Cabdi Xalane ayaa la filayaa maanta in uu hor tago xildhibaanada si ay su'aalo ugu weydiiyaan miisaaniyadda ay soo bandhigtay dowladda federaalka Soomaaliya.
Sidoo kale wasiir Xalane,waxuu baarlamaanka ka horjeedin doonaa khudbad uu uga hadlayo qorshaha sanadkan ee wasaaradiisa iyo miisaaniyad sanadeedka 2014.
Si loo xaqiijiyo ammaanka waxaa maanta xiran wadoonyinka soo gala Baarlamaanka sida wadada weyn oo hor marta xarunta baarlamaanka Soomaaliya iyada oo ciidamo badanna lagu arkayo wadooyinka.
Fadhiga maanta u furmaya baarlamaanka waxaa uu ka dhigayaa kii labaad tan iyo intii toddobaadkii hore uu si rasmi u furmay kalfadhigii afaraad ee Baarlamaanka kadib bilooyin fasax ah oo ay ku maqnaayeen.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 17:16 and have
, Published at