daajis.com:-Kooxda Aston Villa ayaa
caawa guul ka gaartay 9 ciyaaryahan oo Chelsea ah, markii ay ku soo
dhaweysay garoonkeeda Villa Park, ciyaar ku dhammaatay 1-0.
Ciyaartan oo qeybtii hore ahayd weerar
iyo weerar celis ayaa daqiiqaddii 40-aad ee gabagabadii qeybtii hore
waxaa gool uu dhaliyey Nemanja Matic laga diiday kooxda Chelsea markii
uu garsoorku tilmaamay inuu gacan ku degsaday isagoo ku jira diillinta
ganaaxa kaddib kubbad koorno ka timid.
Ciyaartan oo ka dhacday garoonka Villa
Park ee kooxda Aston Villa ayaa qeybtii hore lagu kala nastay goolal
la’aan 0-0 oo ay labada kooxood isku mari waayeen.
Markii dib la isugu soo laabtay qeybtii
dambe ayaa daqiiqadii 69-aad waxaa ciyaarta laga saaray Willian oo ka
tirsan Chelsea markii gacanta loo galiyey kaarkiisii labaad digniinta
looguna daray kaarka guduudan, kaddib qalad uu ku galay mid ka mid ah
xiddigaha Aston Villa.
Ciyaarta oo gabgabo ku dhow daqiiqadii
82-aad waxaa goolka joogga ka riday Chelsea ka dhaliyey Fabian Delph,
kaddib caawin uu ka helay Albrighton oo bedel ku soo galay ciyaarta.
Daqiiqadihii dheeriga ahaa ee lagu diray
ciyaartan ayaa waxaa kaarka guduudan loo taagay Ramires markii uu ku
istaagay ciyaaryahan ka tirsan Aston Villa, sidoo kale waxaa isna kaarka
guduudan la siiyey macallinka kooxda Chelsea Jose Mourinho markii uu ka
murmay labada kaar ee digniinta oo la siiyey wiilashiisa.
Ciyaartan oo ahayd mid aad u xiiso badan
ayaa waxa ay waqtigii loogu tala galay ku soo dhammaatay 1-0, lagu
dardaray 9-ciyaaryahan oo ka tirsan Chelsea.
Daawo Sawirrada:-
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 03:14 and have
