daajis.com:-Dhageyso ereyadeyda oo aamin adigaa iska leh naftaan oo ay kaa dhex
dooratay kumanaanka kale,jaceylkeygiyoow waxaad ku dhex nooshahay qeybta
ugu muhiimsan nafteyda ee laga maamulo dareenka aadanaha nagu wada qaad
qalbigaaga si aan farxad ugu noolaano weligeen.
Waxa aan xagaaga ka dareemaayo waa jaceyl cajiib ah,kaasoo daqiiqad
walbo oo nolosheyda ka mid ah xamaasadi ay ku sii kordheyso, waa jaceyl
lagu qiyaasay inuu yahay shuruud la’aan aan dhamaad laheyn, Nasiib
wanaag mar hadii wadnaheyga uu kuu garaacmaayo farxad darteed.
Ma qiyaasi kari cidlada iyo murugada ay naftu dareemeyso mar hadii
aanan wejigaaga farxada leh arkeyn maalintii oo aanan wada
soconeyn,hurdaduna waxey noqoneysaa mid cariiri ah oo aan riyo macaan
laheyn habeenkii.
Qalbigeyga waxaa lagu qoray magacaaga,i aamin ma aqaano
sababtana,laakin waxaad tahay adiga hawada aan ku neefsanaayo, waa
fursad ugu wanaagsan ee aan isku hanan karto,kuna hanaqaadi karo
jaceylkan ugubka ah ee kalsoonida ku dhismay.
Si kastoon u kala fogaano waxaad tahay lamaanahii nolosha ee
laabta iyo uurka harsaday,waxaan la waashay jaceylkaaga nafteydoow
markii aan ku bartay,indhuhuna meysan dhaqan shaqsiyadaada lagama
dhergaanka ah iyo dhoolacadeyntaada qalbiga dhaawacda, waan ku jeclaaday
waana kuu maseyraa..
Hadii jaceylkeenu ahaan lahaa mid qalad ah xilligaan ma soo gaareen,
waxba igama gelin aduunku wuxuu ka qabo iyo siduu u arko,keliya nafta
waxaa daweeya waa dhoolacadeyntaada iyo la joogaaga,aan ahaato kuwa isku
waara oo farxad iyo murugada wada qeybsada.
Waxaan rabaa inaan kuu jeclaado in ka badan mowjaha badaha,waxaan rabaa indhaheyga ineysan u nuurin qof aad adiga aheyn.
Bal u fiirso macaane cayaar maahan qalbiyo dareen jaceyl isdhaafsaday oo
ku balamay iney dunidaan iska weheshadaan sideena,xanuunkasta iyo
culeyskasta ee soo mara dadka kale waa ay isaga nugul yihiin,Nafteydaan
ku siiyeyna nuurkeedu waa adi ebed.
Sikastoo aan laba shaqsi u kala nahay hadana waxaa na mideeya hal
riyo iyo hal qalbi oo isku ooman,aragtidu hamuun gaar ah leedahay,kala
fogaanshahuna sii hurinaayo holaca caashaq ee qalbiyadeena ku wada
shidan.
Waxaad ka dhigtay nolosha mid macno leh daqiiqadkasta oo aan neefsanayo.
Waan ogahay in nolosha ay weli noo cusub tahay,islamarkaana maalmaha
farxad leh ay noo dhiman yihiin,laakin waxaan dareemaayaa awood iga tan
badan oo indho la’aan ah, waxaad igu sii deysay dabeyl xoogan oo
rabitaan ah,taasoo ii cadeysay in noloshu ay jirto wax la yiraahdo
mucjiso,maadaama aad iigu deeqday jaceyl kal iyo laab ah.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 00:00 and have
