daajis.com:-Maalin
xusuus leh, Arsene Wenger ayaa ka hortagaya Chelsea kulan derbi ah
xilli uu u dabaal dagayo kulankiisii 1000-aad uu Arsenal macallin yahay
tan iyo markii xilkan loo magacaabay 1996-kii.
Ogeysiiska ciyaarta:-
Kulanka: Chelsea vs Arsenal
Garoonka: Stamford Bridge
Garsooraha: Andre Marriner
Maalinta: Sabti
Taariikhda: 22/03/2014
Saacadda: 3:45 galabnimo geeska Africa
Tartanka: Premier League
Chelsea waxaa ka maqan Ashley Cole, Marco van Ginkel, dhanka kalana waxaana ka ganaaxan Ramires iyo Willian.
Arsenal waxa ka maqan Theo Walcott, Aaron Ramsey, Abou Diaby, Jack Wilshere, Mesut Özil iyo Nicklas Bendtner.
Xaqiiqooyinka Ciyaarta:-
Jose Mourinho marnaba guuldarro kalama
uusan kulmin macallinka Arsenal Arsene Wenger toban jeer ay kulmeen
iyagoo kala wata Arsenal iyo Chelsea, shan jeer waa uu badiyay, shan
kalana barbaro, marnaba kalama uusan kulmin guuldarro.
Arsenal ayaa rikoor wanaagsan oo dhanka
guulaha ku heysata garoonka Chelsea ee Stamford Bridge 76 jeer oo ay
booqatay waxaa ay ku soo badisay 25-jeer, waxaa ay barbaro gashay
25-kale, waxaana laga badiyay 26-kulan.
Blues ayaa laga badiyay markii ugu
horreysay 15 kulan oo ka tirsan Premier league, waxaa ay aheyd
toddobaadkii hore oo Aston Villa ayaa ka badisay.
Queens Park Rangers ayaa aheyd kooxdii
ugu dambeysay oo ku soo badisa Stamford Bridge 1-0, waxaa ay aheyd
bishii January sanadkii 2013, kaddib guuldarradas Blues ayaa guuldarro
la’aan ah 25-kii ciyaar ee ugu dambeeyay oo ay ku ciyaartay garoonkeeda.
Chelsea ayaa dhalineysay goolka hore ee
ciyaarta ama hoggaanka qabaneysay shantii ciyaar ee ugu dambeeyay oo ay
Arsenal la ciyaartay.
Kani waa kulankii 1000 -aad ee tababare
Arsene Wenger uu hoggaamiyo Arsenal tan iyo markii macallinka kooxdan
loo magacaabay aynu eegno rikoorka waayihiisii guul, guuldarro iyo
barbaro.
Waxaa uu badiyay Wenger tan iyo markii
Arsenal tababare looga dhigay 572 jeer, waxaa uu barbaro galay 235,
halka laga badiyay 192-jeer.
Shantii guul ee ugu dambeeyay oo Arsenal
Premier league ay ugu soo gaartay Stamford Bridge kooxda Blues ayaa
ahaa mid dib u soo laabasha ah, in gool laga dhaliyaa, barbareysaa
kaddibna badisaa.
Arsenal ayaa ku guuldarreysatay inay
gool ka dhaliso Chelsea xaagaagan labo mar ay is arkeen, kulankii
Premier league ayaa ku dhamaaday 0-0, halka 2-0 Emirates Stadium iyadoo
lagu ciyaarayo looga soo badiyay Arsenal koobka Capital One Cup, labadii
kulana waxa ay ka dhaceen garoonka Arsenal.
Arsenal ayaan marna xitaa badin 11-kii
ciyaar ee ugu dambeeyay oo ay Premier league la ciyaartay kooxaha
Chelsea, Man Utd ama Man City, shan barbaro ayey gashay, lixna waa laga
badiyay.
Kaddib 30 kulan oo Premier league ay Chelsea ciyaartay islamarkaana
uruursatay 66-dhibcood iyadoo uu hoggaaminayo Jose Mourinho, waa
dhibcihii ugu yaraa.
Chelsea ayaa hoggaanka ciyaarta u
qabaneysay qeybta hore ee ciyaarta shantii kulan ee ugu dambeeyay oo ay
marti geliyeen Arsenal.
Blues ayaa heysata rikoorka ugu fiican
ee garoonkeeda xagaagan marka la eego kooxaha kale ee fooqa sare, sidee
waxaa ay ku uruursatay 41-dhibcood, marnabana loogama badin xagaagan
garoonkeeda Premier league marka laga hadlayo.
Arsenal ayaa iyadana ku fiican rikoorka
dhibcaha ay garoomada kale ay ku soo heshay xagaagan oo ah 29 dhibcood,
waxaa ay isku mid yihiin Spurs laakiin cel celiska goolasha ayey kaga
fiican yihiin.
Khalid Boulahrouz ayaa ahaa
ciyaaryahankii ugu dambeeyay ee Chelsea rigoore ku keena iyadoo Jose
Mourinho uu tababare u yahay Chelsea Premier league, waxaana rigooradaas
ay timid May 2007, Arsenal ayeyna la ciyaareysay Blues.
Natiijada shantii kulan ee ugu dambeeyay kooxahan:-
England – Premier League (EPL) Dec 23, 2013 Arsenal 0 – Chelsea FC 0
England – Capital One Cup(League Cup) (CCUP) Oct 29, 2013 Arsenal 0 – Chelsea FC 2
England – Premier League (EPL) Jan 20, 2013 Chelsea FC 2 – Arsenal 1
England – Premier League (EPL) Sep 29, 2012 Arsenal 1 – Chelsea FC 2
England – Premier League (EPL) Apr 21, 2012 Arsenal 0 – Chelsea FC 0
W/D: Maxamed Qadar Ibraahim Daahir
Fakirkaadu waa muhim
FADLAN LIKE SII BOGGA DAAJIS.COM EE FACEBOOK._____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 18:23 and have
, Published at