daajis.com:-Maamulka Somaliland, ayaa lagu soo waramayaa inuu ciidamo farabadan
geeyay magaalada Baran ee Xaruunta Gobolka Sanaag, halkaasoo
lahaanshaheeda uu isna sheegto maamulka Puntland.
Cabdiwali Xirsi Indhoguran oo la hadlay VOA ayaa sheegay inay ka xun
yihiin ciidamadaan ka socda Somaliland ee soo gaaray qaybo ka mid ah
magalada Baran ee xarunta Gobalka Sanaag wuxuna muujiyay inay tahay
dhibaato hor leh.
”Gobaladda Sool iyo Sanaag Shirkii Somaliland lagu abuuray kama qayb galay laakiin Puntland way ka dhisteen Isimadooda oo dhan gobalka Sool 13-Isin buu lee yahay dhamaan way joogeen dhismihii Pl,sido kale Sanag PL bay wax ka dhisteen”wasiirka oo sii hadlaya ayaa sheegay Somaliland inay sii wado dal balaarsi iyo kusoo duulid deegano aysan lahayn.
Dhanka kale wasiirka Kalluumaysiga Somaliland Cali Jaamac Buureed
ayaa sheegay dhulka ay ciidanku tageen iyo magalada Laasqorayba inay ka
wada tirsan yihiin mamulka Somaliland oo aan wax dhibaato ah lahayn.
Ciidankan Baran duleedkeeda tagay ayuu ku sheegay Buureed inuu yahay
kuwo tababar soo dhamaystay oo dib ugu laabtay meeshii ay joogeen waa
sida uu sheegay.
Dadka deegaanka ayaa sheegaya ciidankan inay qaarkood soo galeen
magalada Baran balse aysan wax dhibaato ah ka samayn walow mamulka
Gobalka Sanaag uusan wali arrintaasi ka hadlin.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 16:32 and have
, Published at