daajis.com:-Shiinaha ayaa soo bandhigay sawirro uu qaaday dayax gacmeed, kuwaasi
oo badda dul sabaynaya isla markaana muujinaya wax u muuqda in ay yihiin
burburka diyaarad laga lahaa dalka Malaysia oo la la’yahay tan iyo
sabtigii la soo dhaafay.
Sawirrada oo lagu shaaciyay bar intarneedka ay ku leedahay dowladda
Shiinaha, ayaa muujinaya saddex shey oo waaweyn oo dul sabbeynaya badda
koonfureed ee Shiinaha.
Dhowr jeer oo hore ayaa waxyaabo kale oo loo maleeyay in ay yihiin burburka diyaaraddaasi waxa ay noqdeen wax kale.
Sawiraddan ayaa la qaaday maalintii axadda ahayd balse waxaa la shaaciyay shalay oo arbaco ahayd.
Waddamada Vietnam iyo Malaysia ayaa diyaarado u diray goobta
sawirradaasi laga soo qaaday si ay u soo ogaadaan waxa ay yihiin
waxyaabaha halkaasi lagu arkay.
Diyaaraddaasi oo ka soo duushay Kuala Lumpur isla markaana ku sii
jeedday magaalada Beijing ayaa jimcihii la soo dhaafay la waayay saacad
uun kaddib markii ay hawada gashay.
Ma aysan jirin wax farriin ah oo laga soo diray diyaaraddaasi oo ay saarnaayeen 239 qof oo isugu jiray rakaab iyo shaqaale.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 16:19 and have
, Published at