daajis.com:-qaraxan ismiidaaminta ayaa sababay dhimashada tiro aan la ogeyn oo ka tirsan saraakiisha ciidamada dowladda federaalka Soomaaliya oo ku sugnaa Hotel Camaloow gudaha degmada Buulo Burde
Wararka naga soo gaarayo degmada Buulo burde ee gobalka Hiiraan ayaa sheegaya in xalay weerar ismiidaamin ahaa lagu qaaday saraakiil ka tirsan ciidamada dowladda federaalka Soomaaliya oo ku sugnaa hoteel lagu magacaabo Camaloow gudaha degmada Buulo Burde.
Dad goob joogayaal ah oo ku sugnaa meel ku dhow goobta qaraxa uu ka dhacay ayaa warbaahinta u sheegay in qaraxa ismiidaaminta ahaa uu ka dhacay xalay saqdii dhexe halkaa iyo is rasaaseyn mudo socotay oo ay maqlayeen.
Saraakiil sar sare oo ka tirsan dowladda federaalka Soomaaliya ayaa la sheegay inay weerarka ku dhinteen, inkastoo tiro ahaan aan la xaqiijin karin.
Ilaa xiligan la joogo waxaan si dhab ah loo hayn tirada rasmiga ee ku dhimatay weerarkaasi iyo inta ku dhaawacantay, iyadoo isbitaalka degmada Buulo-burde la dhigay ku dhawaad lix ruux oo isugu jira rayid iyo ciidan.
Saraakiisha dowladda ee ku sugan gobolka Hiiran ilaa hada wax war ah kama soo saarin qaraxii ciidamada lagula eegtay gudaha degmada buulo Burde.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 17:41 and have
