daajis.com:-Weerar ismiidaamin ah, ayaa wuxuu xilligii Salaadda Maqribka uu ka
dhacay aafafka hore Xerada Ciidanka Amisom, ay ku lee yihiin Deegaanka
Carbiska ee duleedka Magaalada Muqdisho.
Gaadiid ay la socdeen Ciidamada Amisom oo doonaayay in ay galaan
Xerada ay ku lee yihiin Carbiska, ayaa waxaa soo dhex galay gaari Kaarib
ahaa, oo la sheegay in uu saarnaa nin naftii hurre ahaa.
Qaraxa oo ahaa mid si weyn looga maqlay Deegaanada ka baxsan
Carbiska, ayaa waxaa la soo sheegayaa in uu geystay khasaaro aan weli la
ogayn inta uu le’eg yahay.
Gudoomiyaha Degaanka Lafoole Ibraahim Maxamuud Guuleed, ayaa wuxuu
xaqiijiyay in Deegaanka Carbiska uu ka dhacay qarax aad u weyn, uuna
geystay nin naftii hurre ahaa.
Gudoomiyaha, ayaa beeniyay in leesku qarxiyay gaadiid ay la socdeen
Ciidanka Amisom, xilli ay geli rabeen Xarunta Ciidan ee ay ku lee yihiin
Deegaanka Carbiska, oo kaabiga ku haaya Lafoole.
Mar la weydiiyay cidda qaraxa lala eegtay, ayaa wuxuu ku sheegay
Ciidanka Militariga ee Dowladda, ee fariisimaha ku leh Buundada Carbiska
ee duleedka Degmada Afgooye.
Gudoomiyaha, ayaa wuxuu hadalkaan ku sheegay wareysi uu goor dhow siiyay Idaacada Goobjoog ee Magaalada Muqdisho.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 09:45 and have
