daajis.com:-Ciidamada amaanka Kenya, ayaa Jaziirada Lamu ku qabtay nin Sacudian ah oo doonayay inuu ku biiro shabaabka ka dagaalama Somalia.
Ninkan u dhashay dalka Sacuudiga ee ay gacanta ku dhigeen ciidamada
ammaanka ee Kenya ayaa laga qabtay jaziiradda Lamu, ee u dhaw xadka
Kenya uu la wadaago Soomaaliya, waxaana ay ciidamadu ku eedeeyeen
ninkaasi in uu doonayay in uu ku biiro maleeshiyada Al-shabaab.
Axmed Xanaas oo ah shaqsi ay xabsiga u taxaabeen ciidamada booliska
ee Kenya ayaa haatan ku xiran xabsiga Malindi, madaxa Booliska ee
Jaziiradda Lamu Samson Obara waxa uu sheegay in Axmed Xanaas uu san
wadanin sharciyadii dal ku galka ah ee Kenya, islamarkaana uusan si
haagsan ugu hadli Karin Luuqadaha Enlishka iyo Kisiwaahiliiga ah, taasna
ay keentay in ciidamada la dagaallanka argagixisada lagu wareejiyo si
ay baaritaano dheeraad ah ugu sameeyeen, maadaama uu isagu sheeganayo in
uu ahaa Kalluumeysato.
Axmed Xanaas ayay ciidamada Kenya ku eedeeyeen sidoo kale in uu qeyb
ka yahay dadka tababarada siiya, una qaabilsan dhanka qorista
maleeshiyaadka doonaya inay ku biiraan Al-Shabaab ee isugu jira kuwa u
dhashay dalka Kenya iyo ajaanibta kale ee dooneysa inay ka mid ahaadaan
kooxdaasi.
Kooxaha xagjirka ah ee doonaya inay ku biiraan maleeshiyada
Al-Shabaab ayaa waxa ay waddo u noqotay Jaziiradda Lamu, iyadoo
horaantii sanadkan ay ciidamada Kenya gacanta ku dhigeen lix ruux oo
dooneysay inay u soo gudbaan dhanka Soomaaliya si ay uga mid noqdaan
kooxda argagixisada ah ee Al-Shabaab.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 01:59 and have
, Published at