daajis.com:-Xildhibaan ka tirsan Baarlamaanka Soomaaliya ayaa goor dhow oo
saakay ah lagu dilay degmada Xamar weyne, iyadoo mid kalena la dhaawacay.
Sida ay sheegayaan wararka xildhibaanka la dilay ayaa lagu
magacaabayay Maxamed Maxamuud Xeyd, halka midka kale ee la dhaawacay
magaciisa lagu soo gaabiyay Coonka.
Wararka ayaa sheegaya in kooxo bastoolado ku hubeysan ay toogteen
labada xildhibaan oo gaari saarnaa, xilli ay ka soo baxeen hoteel ku
yaal degmada Xamar weyne.
Goob joogayaal ayaa sheegaya in gaariga ay la socdeen labada
xildhibaan uu soo daba socday gaari kale oo ay saarnaayeen dableyda
hubeysan.
Gudoomiyaha degmada Xamar weyne C/qaadir Maxamed C/qaadir ayaa u
xaqiijiyay daajis.com in Xildhibaan Xeyd uu ku dhintay toogashada, halka
xildhibaan Coonka dhaawacmay, waxaa uu intaa ku daray in askari la
socday uu dhintay.
“Agagaarka Hotel Central ee degmada Xamar weyne ayuu falka ka dhacay,
Xildhibaanada gaari ayay saarnaayeen waxaa daba socday, gaari kale oo
Surf ah, xabado ayay ku fureen, gaarina wuu baxsaday”ayuu yiri
Gudoomiyaha degmada Xamar weyne.
Ilaa iyo hada ma jirto cid sheegatay dilkan, hase ahaatee Al-shabaab
ayaa horay ugu hanjabay inay beegsanayaan Xildhibaanada Baarlamaanka.
Wixii warar ee ku soo kordha kala soco wararkeena dmabe
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 15:23 and have
